पिंपरी; पुढारी वृत्तसेवा : सरपंचपदाच्या निवडणुकीत उमेदवाराचा अर्ज फाडून फेकल्याप्रकरणी सदस्यावर गुन्हा दाखल करण्यात आला आहे. ही घटना सोमवारी (दि. 25) हिंजवडी ग्रामपंचायत येथे घडली. याप्रकरणी निवडणूक मंडळ अधिकारी हेमंत लक्ष्मण नाईकवाडी (56, रा. पुणे ) यांनी हिंजवडी पोलिस ठाण्यात फिर्याद दिली आहे. त्यानुसार, ग्रामपंचायत सदस्य मयूर राजेंद्र साखरे (रा. हिंजवडी) याच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, हिंजवडी ग्रामपंचायत येथे सरपंचपदाच्या निवडणुकीसाठी उमेदवारी अर्जांची छाननी सुरू होती. दरम्यान, आरोपीने गणेश बन्सीलाल जांभुळकर यांच्या अर्जावर हरकत घ्यायचे आहे, असे सांगून अर्ज हिसकावून घेतला. त्यानंतर अर्ज थेट फाडून फेकला. आरोपीने कोणतीही पूर्वकल्पना न देता सरकारी कामात अडथळा निर्माण केल्याचा ठपका ठेवत गुन्हा दाखल करण्यात आला आहे. हिंजवडी पोलिस तपास करीत आहेत.
हेही वाचा
