पिंपरी : चिंचवड विधानसभा मतदार संघात भाजपच्या उमेदवार अश्विनी जगताप यांच्या विजयासाठी पक्षाचे शहराध्यक्ष आमदार महेश लांडगे यांनी महत्वाची भूमिका बजावली. अश्विनी जगताप यांना मिळालेला विजय हा दिवंगत आमदार लक्ष्मण जगताप यांना समर्पित करीत आहोत, अशी भावना आमदार लांडगे यांनी व्यक्त केली. आमदार लांडगे म्हणाले की, पिंपरी-चिंचवडकरांनी विकासाच्या मुद्दांवर मतदान केले. दिवंगत लक्ष्मण जगताप यांनी शहराच्या प्रगतीमध्ये मोठे योगदान दिले आहे.
त्याचे स्मरण इथल्या भूमिपुत्रांनी आणि सर्वसामान्य नागरिकांनी ठेवले. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी निवडणुकीत स्वत: लक्ष घातले होते. पंतप्रधान नरेंद्र मोदी यांच्या विचारांवर विश्वास ठेवून सर्व विरोधी पक्ष एकत्र आल्यानंतरसुद्धा अत्यंत प्रतिष्ठेच्या झालेल्या निवडणुकीत मतदारांनी भाजपा-शिवसेना महायुतीवर विश्वास दाखवला. त्याबद्दल सर्व मतदारांचे आभार व्यक्त करतो. या निवडणुकीत रात्रं-दिवस मेहनत घेणारे महायुतीचे सर्व पदाधिकारी, कार्यकर्ते यांच्या एकत्रित लढ्याचा हा विजय आहे. शहराच्या आगामी वाटचालीच्या दृष्टीने अत्यंत महत्वपूर्ण असलेला हा विजय आम्ही दिवंगत आमदार लक्ष्मण जगताप यांना समर्पित करण्यात आला.
