चाकण: खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये कांदा, बटाटा, गाजर व टोमॅटोची मोठी आवक झाली. लसणाची आवक व भाव स्थिर राहिले. चाकण येथील पालेभाज्यांच्या बाजारात पालक व मेथीची आवक वाढल्याने भाव गडगडले. बाजारात एकूण उलाढाल 6 कोटी 40 लाख रुपये झाली.
चाकण येथील बाजारात कांद्याची एकूण 7 हजार क्विंटल आवक झाली. कांद्याचा कमाल भाव 2 हजार रुपयांवरून 1 हजार 700 रुपयांवर स्थिरावला. बटाट्याची एकूण आवक 2 हजार 500 क्विंटल झाली. गेल्या शनिवारच्या तुलनेत बटाट्याची आवक 500 क्विंटलने वाढल्याने भावात 200 रुपयांची घट झाली. बटाट्याचा भाव कमाल 1 हजार 300 रुपयांवर स्थिरावला. लसणाची एकूण आवक 50 क्विंटल झाली. गेल्या शनिवारच्या तुलनेत ही आवक स्थिर राहून लसणाचा कमाल भावही 12 हजार रुपयांवर स्थिरावला. हिरव्या मिरचीची एकूण आवक 300 क्विंटल झाली. हिरव्या मिरचीला 6 हजार रुपयांपासून ते 8 हजार रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : -
कांदा- एकूण आवक : 7,000 क्विंटल. भाव क्रमांक- 1. 1,700 रुपये, भाव क्रमांक 2. 1,200 रुपये, भाव क्रमांक 3. 800. बटाटा - एकूण आवक- 2,500 क्विंटल. भाव क्रमांक 1. 1,300 रुपये, भाव क्रमांक 2. 1,000 रुपये, भाव क्रमांक 3.500 रुपये.
फळभाज्या : फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात पुढीलप्रमाणे :
टोमॅटो- 328 क्विंटल (1,500 ते 2,500 रु.), कोबी- 215 क्विंटल (700 ते 1,200 रु.), फ्लॉवर- 250 क्विंटल (800 ते 1,400 रु.), वांगी- 84 क्विंटल (2,000 ते 3,000 रु.), भेंडी- 102 क्विंटल (2,500 ते 3,500 रु.), दोडका- 68 क्विंटल (3,500 ते 4,500 रु.), कारली- 64 क्विंटल (4,000 ते 5,500 रू.) दुधीभोपळा- 50 क्विंटल (1,500 ते 2,500 रु.), काकडी- 52 क्विंटल (2,000 ते 3,000 रु.), फरशी- 32 क्विंटल (2,500 ते 3,500 रु.), वालवड- 76 क्विंटल (1,500 ते 3,000 रुपये), ढोबळी मिरची- 150 क्विंटल (3,000 ते 5,000 रु.), चवळी- 42 क्विंटल (2,500 ते 3,500 रु.), वाटाणा- 425 क्विंटल (2,500 ते 3,000 रू.), गाजर- 175 क्विंटल (1,000 ते 2,000 रु.), गवार- 32 क्विंटल (7,000 ते 9,000 रु.), आद्रक- 170 क्विंटल (3,500 ते 4,500 रु.).
पालेभाज्या:
चाकण येथील बाजारात पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे : मेथी- एकूण 33 हजार 641 जुड्या (300 ते 580 रुपये), कोथिंबीर- एकूण 39 हजार 387 जुड्या (400 ते 1,010 रुपये,), शेपू- एकूण 4 हजार 720 जुड्या (400 ते 600 रुपये), पालक- एकूण 7 हजार 902 जुड्या (200 ते 400 रुपये) असा दर मिळाला.
जनावरे:
चाकण येथील जनावरांच्या बाजारात विक्रीसाठी आलेल्या 60 जर्सी गायींपैकी 42 गायींची विक्री झाली. (15 हजार ते 70 हजार रुपये), 110 बैलांपैकी 75 बैलांची विक्री झाली (10 हजार ते 40 हजार रुपये), 160 म्हशींपैकी 145 म्हशींची विक्री झाली (30 हजार ते 80 हजार रुपये), 10 हजार 400 शेळ्या-मेंढ्यापैकी 10 हजार 100 शेळ्यांची विक्री झाली असून त्यांना 2 हजार रुपयांपासून ते 15 हजार रुपयांपर्यंत भाव मिळाला.
