अविनाश दुधवडे
चाकण : खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये बटाटा, हिरवी मिरची, लसूण व आद्रकची विक्रमी आवक झाली. पालेभाज्यांच्या बाजारात पालक, कोथिंबीर व शेपू भाजीची मोठी आवक झाली होती. त्यामुळे भाज्यांच्या भावात घसरण झाल्याचे पहायला मिळाले. राजगुरुनगर येथील बाजारात आद्रक, गाजर, रताळी, वांगी, फ्लॉवर, फरशी, काकडी, भोपळा, टोमॅटो, कारली, चवळी व वालवड यांची प्रचंड आवक झाली. एकूण उलाढाल 5 कोटी 22 लाख रुपये झाली.(Latest Pune News)
चाकण येथील बाजारात कांद्याची एकूण 1 हजार 500 क्विंटल आवक झाली. गेल्या शनिवारच्या तुलनेत ही आवक स्थिर राहून भावात 100 रुपयांची घट झाली. कांद्याचा कमाल भाव 1500 रुपयांवरून 1400 रुपयांवर स्थिरावला. बटाट्याची एकूण आवक 1250 क्विंटल झाली. गेल्या शनिवारच्या तुलनेत बटाट्याची आवक 750 क्विंटलने घटल्याने भावात 100 रुपयांची वाढ झाली. बटाट्याचा कमाल भाव 2100 रुपयांवरून 2200 रुपयांवर पोहोचला.
लसणाची एकूण आवक 30 क्विंटल झाली. गेल्या शनिवारच्या तुलनेत ही आवक 10 क्विंटलने घटल्याने भावात 2000 रुपयांची मोठी वाढ झाली. लसणाचा कमाल भाव 6 हजार रुपयांवरून 8000 रुपयांवर पोहोचला. हिरव्या मिरचीची एकूण आवक 322 क्विंटल झाली. हिरव्या मिरचीला 2 हजार 500 रुपयांपासून 3 हजार 500 रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा : एकूण आवक - 1 500 क्विंटल. भाव क्र 1 - 1400 रुपये, भाव क्र 2 - 1000, भाव क्र. 3 - 800 रुपये. बटाटा - एकूण आवक - 1250 क्विंटल. भाव क्र 1 - 2200 रुपये, भाव क्र. 2 - 1800, भाव क्र. 3 - 1200 रुपये.
फळभाज्यांच्या बाजारात एकूण आवक क्विंटलमध्ये व प्रतिदहा किलोला मिळालेला दर कंसात. : टोमॅटो - 337 क्विंटल (1200 ते 2000 रुपये), कोबी - 232 क्विंटल (800 ते 1200), फ्लॉवर - 192 क्विंटल (1500 ते 2500), वांगी - 86 क्विंटल (2500 ते 3500), भेंडी - 94 क्विंटल (4000 ते 6000), दोडका - 68 क्विंटल (2500 ते 3500), कारली - 84 क्विंटल ( 2000 ते 3000), दुधीभोपळा - 53 क्विंटल (1500 ते 2500), काकडी - 66 क्विंटल (1500 ते 2500), फरशी - 21 क्विंटल (5000 ते 8000), वालवड - 55 क्विंटल (5000 ते 7000), ढोबळी मिरची - 169 क्विंटल (3000 ते 5000), चवळी - 42 क्विंटल (2500 ते 3500), वाटाणा - 20 क्विंटल (12000 ते 14000), शेवगा - 14 क्विंटल (8000 ते 10000), गाजर - 177 क्विंटल (3000 ते 4000), गवार - 25 क्विंटल 8000 ते 10000), आद्रक - 167 क्विंटल (4000 ते 5000).
पालेभाज्यांची एकूण आवक जुड्यांमध्ये व भाव : मेथी - एकूण 18 हजार 499 जुड्या (1000 ते 2000 रुपये), कोथिंबीर - एकूण 41 हजार 332 जुड्या (1500 ते 3311), शेपू - एकूण 2 हजार 025 जुड्या (1500 ते 2000), पालक - एकूण 3 हजार 960 जुड्या (1000 ते 1800).
जनावरे : बाजारात 57 गायींची विक्री झाली. त्यांना 15 ते 70 हजार रुपये भाव मिळाला. 55 बैलांची विक्री झाली. बैलांना 10 ते 40 हजार रुपयांपर्यंत भाव मिळाला. 190 म्हशींची विक्री झाली. येथे म्हशींना 30 ते 80 हजार रुपयांचा भाव मिळाला. 8 हजार 600 शेळ्यांची विक्री झाली. त्यांना 2 ते 15 हजार रुपयांपर्यंत भाव मिळाला.
