पुणे : अन्न महामंडळाकडून होत असलेल्या विक्रीमुळे आणि नव्या गव्हाची आवक वाढल्यामुळे गेल्या आठवडयातही गव्हाच्या दरात क्विंटलमागे 200 ते 400 रुपयांनी घसरण झाली. मागणी कमी असल्यामुळे शेंगदाणा तेल, सरकी, सुर्यफूल तसेच सोयाबीन तेलाच्या दरात 15 किलोमागे 30 ते 40 रुपयांनी घसरण झाली. मात्र पामतेल आणि वनस्पती तुपाच्या दरात 40 ते 50 रुपयांनी वाढ झाली.
नवीन आवक सुरु झाल्यामुळे सेलम आणि गावरान मटकी दरात क्विंटलमागे एक हजार रुपयांनी घसरण झाली. मात्र आवक कमी असून मागणी चांगली सल्यामुळे तुरडाळीचे दर क्विंटलमागे आणखी 500 रुपयांनी तर हरभराडाळीचे दर 100 रुपयांनी वाढल्याचे सांगण्यात आले. मागणीअभावी गोटा खोबरे दरात दहा किलोमागे आणखी दीडशे रुपयांनी घसरण झाली. शेंगदाण्याचे दरही क्विंटलमागे तीनशे रुपयांनी कमी झाल्याचे सांगण्यात आले.
गुजरात आणि मध्यप्रदेशातील नव्या गव्हाची मुबलक प्रमाणात आवक होत असून गव्हाची प्रत उत्तम आहे. पुण्याच्या बाजारात दररोज दहा ते बारा ट्रक नव्या गव्हाची आवक होत आहे. अन्न महामंडळाकडून मिलबर प्रतीच्या गव्हाची मोठ्या प्रमाणात आवक असून कमी दराने विक्री होत आहे. यामुळे गव्हाचे दर उतरण्यास मदत झाली आहे. गेल्या आठवड्यातही लोकवन गव्हाच्या दरात क्विंटलमागे आणखी 200 ते 300 रुपयांनी घसरण झाली. मिलबर गव्हातील घसरणीमुळे आटा, रवा आणि मैद्याच्या दरात 50 किलोमागे आणखी 75 रुपयांनी घसरण झाली. आवक-जावक साधारण असल्यामुळे ज्वारी, बाजरी तसेच तांदळाचे दर टिकून असल्याचे सांगण्यात आले.
साखर मंदीत, गूळ स्थिर
मागणी कमी असल्यामुळे साखर दरात क्विंटलमागे 25 रुपयांनी घसरण झाली. पुढील महिन्यापासून उन्हाचा कडाका वाढणार असल्यामुळे साखरेस मागणी चांगली राहील. पुढील महिन्यासाठी किती कोटा जाहीर होतो, यावरच यापुढील तेजी मंदी अवलंबून आहे. शनिवारी येथील घाऊक बाजारात साखरेचा प्रतिक्विंटलचा दर 3475 ते 3500 रुपये होता. सध्या कोणतेही सण-उत्सव नसल्यामुळे गुळास मागणी कमी आहे. यामुळे दर स्थिर होते. मात्र आगामी काळात सण-उत्सवांना प्रारंभ होत असल्यामुळे गुळास मागणी वाढणार आहे. मात्र सध्या उसाचा तुटवडा जाणवत असून गुळाचे उत्पादन कमी प्रमाणात होत आहे. यामुळे दर वाढण्याची शक्यता आहे.
मटकी उतरली, तूरडाळ, हरभराडाळ आणखी महागली
तामिळनाडूतील पाँडेचारी भागातून नव्या सेलम मटकीची आवक सुरू झाली असून यामुळे कडाडलेले दर कमी होण्यास प्रारंभ झाला आहे. गेल्या आठवड्याभरातच सेलम मटकी दरात क्विंटलमागे एक हजार रुपयांनी घट झाली. यामुळे गावरान मटकी दरातही 800 ते 1000 रुपयांनी घट झाली. अन्य कडधान्यांचे दर स्थिर होते. मात्र उत्पादन केंद्रातील तेजीच्या वृत्तामुळे तूरडाळीची सातत्याने दरवाढ सुरूच आहे. गेल्या आठवड्यातही दर आणखी 500 रुपयांनी वाढले. यंदा उत्पादन कमी असल्यामुळे तूरडाळीचे दर तेजीतच राहाण्याची शक्यता वर्तविण्यात येत आहे. आगामी होळीच्या सणानिमित्त हरभराडाळीस मागणी चांगली असून गेल्या आठवड्यातही हरभराडाळ क्विंटलमागे आणखी 100 रुपयांनी महागल्याचे सांगण्यात आले.
आवक मुबलक असून मागणी कमी असल्यामुळे गोटा खोबरे दरात दहा किलोमागे आणखी दीडशे रुपयांनी घसरण झाली. मागणी कमी झाल्यानंतर कडाडलेल्या शेंगदाण्याचे दरही क्विंटलमागे तीनशे रुपयांनी उतरल्याचे सांगण्यात आले. पुण्याच्या घाऊक बाजारातील दर पुढीलप्रमाणे : साखर (प्रतिक्विंटल) :3475-3500 रु. खाद्यतेले (15 किलो/लिटर) : शेंगदाणा तेल 2674-2775, रिफाईंड तेल ः 2475-3325, सरकी तेल 1650-2000, सोयाबीन तेल 1770-1930, पामतेल 1500-1750, सूर्यफूल रिफाईंड तेल 1700-1850, वनस्पती तूप 1475-1925, खोबरेल तेल 2250 रु. तांदूळ : गुजरात उकडा 3200-3500, मसुरी 3000-3300, सोनामसुरी 4000-4400, एच.एम.टी. कोलम 4500-5000, लचकारी कोलम 5500-6000, चिन्नोर 4500-5000, 1121-10000-11000, आंबेमोहोर (सुवासिक) 7000-8000, बासमती अखंड 11500-12000, बासमती दुबार 8500-9000, बासमती तिबार 9500-10000, बासमती मोगरा 4500-5000, बासमती कणी 3200-3500, 1509-8000-8500, इंद्रायणी 4500-5000 रु. गहू : सौराष्ट्र लोकवन नं. 1 3800, सौराष्ट्र लोकवन नं. 2 3300-3600, एम.पी. लोकवन 3200-3400, सिहोर नं. 1 5000-5200, सिहोर नं. 2 4200-4500, सिहोरी 3400-3600, मिलबर 2500-2600रु.
ज्वारी : गावरान नं. 1- 5300-5500, गावरान नं. 2-4700-5000, नं. 3 4300-4500, दूरी 3500-4000 रु. बाजरी : महिको 3200-3800, गावरान 3200-3500, हायब्रीड 3000-3200 रु.
गूळ : गूळ एकस्ट्रा 3700-3950, गूळ नं. 1 3550-3650, गूळ नं. 2 3400-3550, गूळ नं.3 3250-3350, गूळ नं. 4 3100-3200, बॉक्स पॅकिंग 3400-4600 रु. डाळी :- तूरडाळ 9500-11400, हरभराडाळ 5900-6100, मूगडाळ 9500-9800, मसूरडाळ 7300-7400, मटकीडाळ 9900-10000, उडीदडाळ 9000-10200 रु.
कडधान्ये : हरभरा 5400-5500, हुलगा- 7500-8000 चवळी 7500-8500, मसूर 6600-6700, मूग 8800-9000, मटकी गावरान 10500-11500, मटकी पॉलिश 7500-8000, मटकी गुजरात 8000, मटकी राजस्थान 8000, मटकी सेलम 13000-13500, वाटाणा हिरवा 5800-6000, वाटाणा पांढरा 6500-6600, काबुली चणा 12000-15000 रु. साबुदाणा : साबुदाणा नं.1 6500, साबुदाणा नं.2 6200, साबुदाणा नं. 3 6000 रु. वरई भगर :11000-12000, सावा भगर 10000-11000, गोटा खोबरे 1200-1400 रु.
शेंगदाणा : जाडा 12000-12500, स्पॅनिश – 12200-12300, घुंगरु 11500, टीजे 10500-10600 रु. धने : गावरान 12000-13000, इंदूर 14000-17000 रु. मका लाल : 2475-2550, पिवळा लाल 2475-2550, पांढरा 3200-3300 रु.
पोहे : मध्य प्रदेश 4000-4400, पेण 4000-4300, मध्यम पोहा-3800-4300, दगडी पोहा 3800-4400, पातळ पोहा 4400-5200, सुपर पोहा 4400-4700, भाजका पोहा 600-650, मका पोहा 625-675, भाजके डाळे 2800-3200, मुरमुरा (9 किलोस) 475-525, भडंग 650-775, घोटी 450-475, सुरती 475-500 रु. रवा, मैदा, आटा : (50 किलोचा भाव) आटा 1600-1675, रवा 1600-1675, मैदा 1600-1675, बेसन :- (50 किलोस) 3300-3600 रु. मीठ : मीठ खडे (50 किलोस) 260, मीठ दळलेले (50 किलोस) 260 रु.मिरची : काश्मीरी ढब्बी 45000-47000, ब्याडगी 35000-37000, लवंगी तेजा 23000-25000, गुंटूर 25000-27000.
खुडवा गंटूर 5500-6000, खुडवा ब्याडगी 4000- 4500 रु.
नारळ : (शेकडयाचा भाव): नवा नारळ पॅकिंग 1350-1400, मद्रास 2500-2600, पालकोल जुना 1500-1550, सापसोल 2000-2700 रु.
