पुणे : पुढारी वृत्तसेवा : सदाशिव पेठेतील भिकारदास मारुती जवळ एका हॉटेलमध्ये भीषण आग लागली. या आगीत एका सहा वर्षांच्या मुलीचा दुर्दैवी मृत्यू झाला आहे. आगीच्या ठिकाणी अग्निशमन दलाची 3 वाहने दाखल झाली आहेत. घटनास्थळावरून अग्निशमन दलाच्या जवानांनी 3 सिलेंडर बाहेर काढले आहेत.
त्यामुळे पुढे होणारा मोठा अनर्थ टाळला आहे. या आगीत अडकलेल्या ६ वर्ष वयाच्या जखमी अवस्थेतील मुलीला जवानांनी बाहेर काढले. तिला अग्निशमन दलाच्या वाहनातून रुग्णालयात रवाना केले परंतु दुर्दैवाने तिचा मृत्यू झाला. इकरा नईम खान असं मृत पावलेल्या मुलीचं नाव आहे