तब्बल 181 किलोमीटर क्षेत्रफळात वसलेले पिंपरी-चिंचवड शहराची लोकसंख्या 30 लाखांच्या पुढे गेली आहे. शहरात पाच लाखांपेक्षा अधिक संख्येने कंत्राटी कामगार व कष्टकरी असल्याचा अंदाज आहे. शहरात दुर्घटना किंवा अपघात घडणे ही मोठी दुर्देवी बाब आहे. मात्र, त्या घटनेत कामगार, कष्टकरी, मजूर, सर्वसामान्य तसेच, गोरगरीबांचा बळी गेल्यास त्याला पाहिजे तितके महत्व दिले जात नाही. त्याकडे गांभीर्याने पाहिले जात नाही. मृतांच्या नातेवाईकांना महापालिकेस आर्थिक सहायही मिळत नाही. महाराष्ट्र औद्योगिक विकास महामंडळ (एमआयडीसी), पोलिस, कामगार उपायुक्त कार्यालय तसेच, इतर सरकारी यंत्रणा त्याकडे कोणतीही आर्थिक मदत मिळत नाही. अशा दुर्घटनेला शहरातील लोकप्रतिनिधी तसेच, सामाजिक व स्वयंसेवी संस्था आणि संघटनांही महत्व देत नसल्याचे मागील अनेक उदाहरणांवरून स्पष्ट झाले आहे. त्यामुळे कष्टकरी संघटना, कामगार संघटना व युनियनकडून या प्रकाराबद्दल संताप व्यक्त केला जात आहे.
