![Pimpri News : सुरक्षित मातृत्व आश्वासन अंतर्गत 8 रुग्णालये](http://media.assettype.com/pudhari%2Fimport%2Fwp-content%2Fuploads%2F2023%2F11%2Fpppp-1.jpg?w=480&auto=format%2Ccompress&fit=max)
पिंपरी : पुढारी वृत्तसेवा : सुरक्षित मातृत्व आश्वासन कार्यक्रमात पिंपरी-चिंचवड महापालिकेची आठही रुग्णालये समाविष्ट करण्यात आली आहेत. तीन वेगवेगळ्या गटांमध्ये या रुग्णालयांचा समावेश केला आहे. त्यानुसार, संबंधित रुग्णालयांमध्ये प्रत्यक्ष कार्यवाहीला सुरुवात झाली आहे. केंद्र शासनाच्या सुरक्षित मातृत्व आश्वासन कार्यक्रमात प्रसुतीविषयक मुलभूत काळजी (सुमन बेसीक) या गटामध्ये पिंपरीतील जिजामाता रुग्णालय, आकुर्डी रुग्णालय, यमुनानगर रुग्णालय, सांगवी रुग्णालय आणि नवीन थेरगाव रुग्णालय यांचा समावेश केला आहे.
तर, मूलभूत तातडीची प्रसूतीविषयक काळजी (बी मॉक) या प्रकारात नवीन भोसरी रुग्णालय आणि ज्ञानज्योती सावित्रीबाई फुले रुग्णालय (तालेरा रुग्णालय) यांचा समावेश करण्यात आला आहे. तर, व्यापक तातडीची प्रसूतीविषयक काळजी (सी मॉक) या प्रकारात महापालिकेच्या पिंपरी- संत तुकारामनगर येथील यशवंतराव चव्हाण स्मृती रुग्णालयाचा समावेश करण्यात आला आहे.
महापालिकेच्या आठही रुग्णालयांमध्ये सुरक्षित मातृत्व आश्वासन कार्यक्रम राबविला जात आहे. विविध विभागांमध्ये ही रुग्णालये समाविष्ट केली आहे. या कार्यक्रमातंर्गत महापालिका रुग्णालयांमध्ये प्रसुतीसाठी दाखल माता आणि प्रसुतीनंतर जन्मलेल्या बाळाची काळजी घेतली जात आहे.
– डॉ. अंजली ढोणे,
सहाय्यक आरोग्य वैद्यकीय अधिकारी, महापालिका.
हेही वाचा