Weather Update : महाबळेश्वरपेक्षा पुणे थंड

By:Amruta Chougule Published on: October 29, 2023, 11:09 AM

पुणे; पुढारी वृत्तसेवा : पुणे शहरातील किमान तापमानात दररोज थोडी थोडी घट होत असून, शनिवारी (दि. 28) शहराने महाबळेश्वरलाही मागे टाकले. एनडीए परिसरात पारा 13.3 अंशांवर, तर शिवाजीनगरचा पारा 14 अंशांवर आला. थंडी जाणवू लागल्याने नागरिकांनी उबदार कपडे घालण्यास सुरुवात केली आहे.

राज्यात थंड हवेचे ठिकाण असलेल्या महाबळेश्वरला किमान तापमानात पुणे शहराने मागे टाकले. महाबळेश्वरचा पारा 16.5 अंशांवर होता. तर, शिवाजीनगरचा पारा 14 अंशांवर खाली आला. त्यामुळे सायंकाळी 5 पासूनच थंडी जाणवत होती. वातावरणात बदल झाल्याने नागरिकांनी मफलर, स्वेटर, उबदार जॅकेट बाहेर काढली आहेत.

किमान तापमान (अंश सेल्सिअसमध्ये)
शिवाजीनगर 14
एनडीए परिसर 13.3
पाषाण 15
लोहगाव 16.3
चिंचवड 19
लवळे 20
मगरपट्टा 20