पुणे : पुढारी वृत्तसेवा : नव्यानेच सुरू झालेल्या पुणे मेट्रोचा वीजपुरवठा खंडित झाल्यामुळे सोमवारी सायंकाळी साडेपाचच्या सुमारास वनाझ ते रुबी हॉल मार्गावरील सेवा 20 मिनिटे बंद पडली होती. यासाठी महावितरण कोणत्याही प्रकारे जबाबदार नाही, तसेच पुणे मेट्रोच्या वीजपुरवठ्याशी कोणताही संबंध नाही, असे महावितरणकडून स्पष्ट करण्यात आले आहे.
वस्तुस्थिती अशी आहे की, पुणे महामेट्रोला महावितरणकडून नव्हे, तर महापारेषणकडून 132 केव्ही दाबाचा वीजपुरवठा केला जातो. वरिष्ठ अधिकार्यांनी दिलेल्या माहितीनुसार, सोमवारी सायंकाळी पुणे मेट्रोकडून रेंजहिल्स अतिउच्चदाब 132 केव्ही उपकेंद्रात वीजयंत्रणेच्या देखभाल व दुरुस्तीचे काम सुरू होते. अंतर्गत वीजयंत्रणेत तांत्रिक बिघाड झाल्यामुळे मेट्रो सेवेचा वीजपुरवठा 20 मिनिटे बंद होता. मात्र, या प्रकाराशी महावितरण व महापारेषण कंपनीचा कोणताही संबंध नाही.
हेही वाचा :
