पुणे : पुढारी वृत्तसेवा : पुणे जिल्ह्यात कालपासून संततधार पाऊस सुरू आहे. सततच्या पावसाने वाहतूक आणि सामान्य जनजीवनावर परिणाम झाला. पुण्यासह घाटमाथ्यावर 25 जुलैपर्यंत हलका ते मुसळधार स्वरूपाचा पाऊस पडेल अशी शक्यता हवामान खात्याने व्यक्त केली आहे. दरम्यान जिल्हादंडाधिकारी आणि जिल्हा आपत्ती व्यवस्थापन प्राधिकरणाचे अध्यक्ष डॉ. राजेश देशमुख यांनी काल रात्री घाट भागात झालेल्या पावसामुळे खबरदारीचा उपाय म्हणून आज आणि उद्या दुर्गम भागात असलेल्या शाळा बंद ठेवण्याचे आदेश दिले आहेत. या भागातील अंगणवाड्याही आज आणि उद्या बंद ठेवल्या जाणार आहेत.
