पवार Vs पवार : बारामतीतील सर्व पदाधिकारी अजित पवार यांच्या बैठकीसाठी मुंबईकडे 

बारामती  : पुढारी वृत्तसेवा :  बारामती शहर व तालुक्यातून मुंबईतील अजित पवार यांच्या बैठकीसाठी राष्ट्रवादीचे बहुसंख्य पदाधिकारी व कार्यकर्ते पहाटेच रवाना झाले.  बारामतीतील राष्ट्रवादी ही अजित पवार यांच्या ताब्यात आहे. त्यामुळे अजित पवार यांनी बोलावलेल्या बैठकीला बारामतीतून सर्व पदाधिकारी, कार्यकर्ते मोठ्या संख्येने गेले आहेत.

त्यात सहकारी साखर कारखाने, दूध संघ, बॅंक, खरेदी-विक्री संघ, बाजार समिती, नगरपालिका, जिल्हा परिषद, पंचायत समितीच्या आजी माजी पदाधिकाऱयांसह अगदी ग्रामपंचायतीचे सरपंच, सदस्य, विकास सोसायट्यांचे संचालक यांचा समावेश आहे. या पदाधिका-यांशिवाय तरुण कार्यकर्ते मोठ्या संख्येने मुंबईला रवाना झाले आहेत. त्यासाठी मंगळवारी बारामतीत बैठका घेण्यात आल्या होत्या. लक्झरी बस, खासगी मोटारींची व्यवस्था करण्यात आली होती.