सोमेश्वर कारखान्याच्या मतमोजणीला सुरुवात
बारामती /सोमेश्वरनगर : पुढारी वृत्तसेवा
सोमेश्वर सहकारी साखर कारखान्याच्या पंचवार्षिक निवडणुकीसाठी गुरुवारी (दि. १४) सकाळी आठ वाजल्यापासून शांततेत मतमोजणसुरु झाली. पुढच्या तासाभरात पहिल्या गटातील निकाल अपेक्षित आह. राष्ट्रवादी कॉंग्रेस पुरस्कृत सोमेश्वर विकास पॅनेलचे तिन्हीही उमेदवार आघाडीवर आहेत.
निवडणूक निर्णय अधिकारी तथा प्रांताधिकारी दादासाहेब कांबळे यांच्या उपस्थितीत २२० कर्मचारी मतमोजणी करत असून अकरानंतर पहिला निकाल घोषित होणार आहे. मतमोजणीसाठी ४१ टेबलची व्यवस्था करण्यात आली असून उमेदवार व मतदान प्रतिनिधी व्यतिरिक्त बाहेरील व्यक्तींना प्रवेश नाकारण्यात आला आहे. निंबुत – खंडाळा या गट क्रमांक एकची मतमोजणी सध्या सुरु असून यातील राष्ट्रवादी कॉंग्रेस पुरस्कृत सोमेश्वर विकास पॅनेलचे तिन्हीही उमेदवार आघाडीवर आहेत.
