पिंपरी: गोपनीय माहितीच्या आधारे फसवणूक

पिंपरी (पुणे) : ग्राहकसेवा प्रतिनिधी बोलत असल्याचे सांगून गोपनीय माहितीच्या आधारे बँक खात्यातून अडीच लाख रुपये काढून घेतले. हा प्रकार 15 फेब्रुवारी रोजी बावधन येथे घडला. सुधाकर गुंडू हावळ (80, रा. बावधन, पुणे) यांनी याप्रकरणी हिंजवडी पोलिस ठाण्यात फिर्याद दिली आहे. त्यानुसार, अनोळखी मोबाईलधारकांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांना मफिक्स डीपॉझीटफ करायचे होते. याबाबत माहिती जाणून घेण्यासाठी त्यांनी बँकेच्या ग्राहक सेवा केंद्राचा क्रमांक ऑनलाईन शोधला. त्यावर संपर्क केला असता फोनवरील व्यक्तीने फिर्यादीकडून त्यांच्या युनियन बँकेच्या खात्याची गोपनीय माहिती घेतली. दरम्यान, त्या माहितीच्या आधारे फिर्यादी यांच्या बँक खात्यातून दोन लाख 49 हजार रुपये काढून घेत फसवणूक केली. हिंजवडी पोलिस तपास करीत आहेत.