चाकण मार्केटमध्ये मिरची, कांदा, गाजराची मोठी आवक

अविनाश दुधवडे : 

चाकण : खेड कृषी उत्पन्न बाजार समितीच्या येथील महात्मा फुले मार्केट यार्डमध्ये हिरव्या मिरचीसह राजमा, कांदा व गाजराची मोठी आवक झाली. लसणाची आवक घटून भाव स्थिर राहिले. सातार्‍याहून आले, मुरबाडहून भेंडी व गुजरातहून तोतापुरी कैर्‍यांची मोठ्या प्रमाणात आवक झाली. पालेभाज्यांचे भाव या आठवड्यात गडगडले. जनावरांच्या बाजारात जर्शी गाई, शेळ्या – मेंढ्या, म्हैस व बैलांच्या संख्येत दुपटीने घट झाली. एकूण उलाढाल 3 कोटी 20 लाख रुपये झाली. कांद्याची एकूण आवक 12,500 क्विंटल झाली. गेल्या शनिवारच्या तुलनेत आवक 1 हजार 500 क्विंटलने वाढल्याने भावात 100 रुपयांची घट झाली.

कांद्याचा कमाल भाव 1,000 रुपयांवरून 900 रुपयांवर स्थिरावला. बटाट्याची एकूण आवक 1,000 क्विंटल झाली. गेल्या शनिवारच्या तुलनेत ही आवक 250 क्विंटलने घटून बटाट्याचा कमाल भाव 1,600 रुपयांवर स्थिरावला. जळगाव भुईमूग शेंगा व बंदूक भुईमूग शेंगांची काहीच आवक झाली नाही. लसणाची एकूण आवक 25 क्विंटल झाली. गेल्या शनिवारच्या तुलनेत ही आवक 5 क्विंटलने घटून कमाल भाव 7 हजार रुपयांवर स्थिरावला.

हिरव्या मिरचीची एकूण आवक 415 क्विंटल झाली. गेल्या शनिवारच्या तुलनेत ही आवक 60 क्विंटलने वाढली. हिरव्या मिरचीला 2 हजार 500 रुपयांपासून 4 हजार 500 रुपयांपर्यंत भाव मिळाला.

शेतीमालाची आवक व बाजारभाव पुढील प्रमाणे :
कांदा – एकूण आवक – 12,500 क्विंटल. भाव क्रमांक 1. 900 रुपये, भाव क्रमांक 2. 750 रुपये, भाव क्रमांक 3. 500 रुपये.
बटाटा – एकूण आवक – 1,000 क्विंटल. भाव क्रमांक 1. 1,600 रुपये, भाव क्रमांक 2. 1,400 रुपये, भाव क्रमांक 3. 1,100 रुपये.
फळभाज्या :- फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात पुढीलप्रमाणे :-
टोमॅटो – 270 क्विंटल (1,000 ते 1,500 रुपये), कोबी – 209 क्विंटल (500 ते 1,000), फ्लॉवर – 225 क्विंटल (800 ते 1,200), वांगी – 92 क्विंटल (1,500 ते 2,500), भेंडी – 135 क्विंटल (2,000 ते 4,000), दोडका – 63 क्विंटल (3,000 ते 4,000), कारली – 69 क्विंटल (2,000 ते 3,000), दुधीभोपळा – 62 क्विंटल (1,000 ते 2,000), काकडी – 74 क्विंटल (2,000 ते 3,000), फरशी – 69 क्विंटल (2,000 ते 3,000), वालवड – 63 क्विंटल (1,500 ते 2,500), गवार – 14 क्विंटल (7,000 ते 9,000), ढोबळी मिरची – 136 क्विंटल (2,000 ते 3,000), चवळी – 24 क्विंटल (2,000 ते 3,000), वाटाणा – 50 क्विंटल (6,000 ते 8,000), शेवगा – 55 क्विंटल (2,000 ते 3,000), गाजर – 230 क्विंटल (1,000 ते 1,500).

पालेभाज्या : पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे
मेथी – एकूण 13 हजार 500 जुड्या (1,000 ते 1,500 रुपये), कोथिंबीर – एकूण 29 हजार 520 जुड्या (800 ते 1,200 रुपये), शेपू – एकूण 3 हजार, 650 जुड्या (500 ते 1,000 रुपये).