पुणे जिल्ह्याचं सर्वसमावेशक नेतृत्वं हरपलं, विरोधी पक्षनेते अजित पवारांसह अनेकांनी वाहिली बापट यांना श्रद्धांजली
पुढारी ऑनलाईन: भाजपाचे पुण्यातील खासदार गिरीश बापट यांचं ७२ व्या वर्षी निधन झालं आहे. प्रकृती अस्वास्थ्यामुळे त्यांच्यावर पुण्यातील रुग्णालयात उपचार सुरू होते. मात्र, त्यांची आज प्राणज्योत मालवली. त्यांच्या निधनानंतर विरोधी पक्षनेते अजित पवार यांच्यासह अनेकांनी खासदार गिरीश बापट यांना श्रद्धांजली वाहिली आहे.
विरोधी पक्षनेते अजित पवार म्हणाले की, राज्याचे माजी मंत्री, विद्यमान खासदार सन्माननीय गिरीश बापट यांचं निधन हे पुणे जिल्ह्यातल्या आम्हा सर्वपक्षीय राजकीय, सामाजिक कार्यकर्त्यांसाठी मोठा धक्का आहे. महाराष्ट्राचं सर्वसमावेशक, सुसंस्कृत राजकारणाचा चेहरा म्हणून गिरीशभाऊंकडे पाहिलं जायचं. पुणे शहर,जिल्ह्याच्या विकासातलं त्यांचं योगदान कायम स्मरणात राहील. चार दशकांच्या प्रदीर्घ राजकीय वाटचालीत गिरीशभाऊंना पुणेकरांचं अलोट प्रेम मिळालं. आम्ही ज्येष्ठ सहकारी, सुहृदय मित्र गमावला आहे. त्यांची उणीव कायम जाणवेल, असंही पवार यांनी नमूद केलं.
राज्याचे माजी मंत्री, विद्यमान खासदार सन्माननीय गिरीश बापट यांचं निधन हे पुणे जिल्ह्यातल्या आम्हा सर्वपक्षीय राजकीय, सामाजिक कार्यकर्त्यांसाठी मोठा धक्का आहे. महाराष्ट्राचं सर्वसमावेशक, सुसंस्कृत राजकारणाचा चेहरा म्हणून गिरीशभाऊंकडे पाहिलं जायचं. त्यांना भावपूर्ण श्रद्धांजली! pic.twitter.com/gyrwqDqi4n
— Ajit Pawar (@AjitPawarSpeaks) March 29, 2023
पुणे लोकसभा मतदारसंघाचे खासदार, माजी मंत्री, भारतीय जनता पक्षाचे ज्येष्ठ नेते आणि माझे मित्र श्री. गिरीश बापट ह्यांचं निधन झालं. राजकीय मतभेद हे व्यक्तिगत मैत्रीच्या आड येऊ द्यायचे नसतात, ही महाराष्ट्राची राजकीय संस्कृती गिरीश बापटांनी कसोशीने पाळली. त्यांच्या निधनाची बातमी अतिशय… pic.twitter.com/LOBa3ZqRg7
— Raj Thackeray (@RajThackeray) March 29, 2023
पुणे पोरकं झालं…..!
भाजपा ज्येष्ठ नेते आणि पक्षनिष्ठ व्यक्तिमत्त्व खासदार आदरणीय गिरीशजी बापट यांचं निधन अतिशय दुःखद आहे. त्यांच्या कुटुंबियांसोबतच आम्हा भाजपाच्या परिवारावर देखील दुःखाचा डोंगर कोसळला आहे. #RSS चे स्वयंसेवक, नगरसेवक, आमदार, खासदार आणि राज्याचे मंत्री… pic.twitter.com/3cxaYFZac5
— Chandrakant Patil (@ChDadaPatil) March 29, 2023
गेली चार दशके राजकारण आणि समाजकारणात सक्रिय असणारे, भाजपचे ज्येष्ठ नेते खासदार श्री. गिरीशजी बापट यांच्या निधनाची बातमी अतिशय दुःखद आहे. स्व. गिरीशजी बापट यांच्या पवित्र स्मृतीस भावपूर्ण श्रद्धांजली अर्पण करतो 🙏
— Jayant Patil- जयंत पाटील (@Jayant_R_Patil) March 29, 2023
भाजपाचे ज्येष्ठ नेते, माजी मंत्री आणि पुण्याचे खासदार गिरीश बापट यांच्या निधनाचे वृत्त अतिशय दुःखद आहे. आम्ही आधार गमावला. त्यांना आम्ही “भाऊ ” म्हणून हाक द्यायचो आणि ते मोठ्या भावासारखे धावून यायचे. भाऊंच्या जाण्याने आम्ही पोरके झालो. मी त्यांना भावपूर्ण आदरांजली अर्पण करतो.… pic.twitter.com/TZHTP5SqIN
— Chandrashekhar Bawankule (@cbawankule) March 29, 2023
भाजपाचे पुणे लोकसभा क्षेत्राचे खासदार व अनेक वर्षे माझे महाराष्ट्र विधिमंडळातील सहकारी गिरीश बापट यांच्या निधनाचे वृत्त अत्यंत वेदनादायी आहे. मागील दीड वर्षांपासून त्यांची आजाराशी सुरू असलेली झुंज आणि त्यातही कधीच जनसेवेत पडू न दिलेला खंड वाखाणण्याजोगा आहे. #girishbapat
— Sudhir Mungantiwar (@SMungantiwar) March 29, 2023
माझे लोकसभेतील सहकारी आणि पुणे लोकसभा मतदारसंघाचे खासदार गिरीश बापट यांचे निधन झाले.ही बातमी अतिशय दुःखद आहे. सलग पाच वेळा पुण्यातून ते आमदार म्हणून विधानसभेत निवडून गेले.त्यांना काही काळ राज्य मंत्रिमंडळातही काम करण्याची संधी लाभली होती. त्यांच्या निधनामुळे एक मनमिळाऊ स्वभावाचे… pic.twitter.com/i63rr8KLTz
— Supriya Sule (@supriya_sule) March 29, 2023
भाजपनेते गिरीश बापट यांच्या निधनाने माणसांतील माणूस हरपला आहे.माणुसकीचा निर्मळ झरा; लोकमित्र; आंबेडकरी चळवळीला रिपब्लिकन पक्षाला प्रेमाने साथ देणारे; अजातशत्रू गिरीश बापट यांच्या निधनाने राजकीय पटलावरील अनेकांचा मार्गदर्शक ध्रुवतारा निखळला आहे.त्यांना भावपुर्ण श्रद्धांजली. pic.twitter.com/f0K3fDR77w
— Dr.Ramdas Athawale (@RamdasAthawale) March 29, 2023
गिरीषजी बापट यांच्या निधनाचे वृत्त ऐकून अतिशय दु:ख झाले. जनसंघाच्या काळापासून पुणे शहरात गेली पाच दशके सक्रिय राजकारणात असणारे, पूर्वीपासून विधिमंडळात व आता लोकसभेतील माझे जीवलग सहकारी, पुण्यामध्ये भाजपच्या जडणघडणीतील एक प्रमुख व क्रियाशील नेतृत्व असणाऱ्या गिरीषजींना माझी…
— Nitin Gadkari (@nitin_gadkari) March 29, 2023
पुण्याचे खासदार आणि माजी मंत्री श्री.गिरीशजी बापट यांच्या निधनाचे वृत्त वेदनादाई आहे.पुण्याचे “सर्वसमावेशक नेतृत्व” अशी त्यांची ओळख होती.
त्यांच्या परिवाराच्या दुःखात आम्ही सहभागी आहोत.
खा.गिरीश बापट यांना भावपूर्ण श्रद्धांजली. pic.twitter.com/JMSdYeT1wn— Dr.Jitendra Awhad (@Awhadspeaks) March 29, 2023
भाजपचे ज्येष्ठ नेते, खासदार गिरीश बापट जी यांना भावपूर्ण श्रद्धांजली. त्यांच्या निधनाने महाराष्ट्राने एक व्यापक जनसंपर्क असलेला नेता आणि उत्कृष्ट संसदपटू गमावला आहे. त्यांच्या आत्म्यास शांती लाभो, ही ईश्वरचरणी प्रार्थना 🙏🏻
— Office of Uddhav Thackeray (@OfficeofUT) March 29, 2023
भाजपचे ज्येष्ठ नेते, खासदार गिरीश बापट जी यांच्या निधनाचे वृत्त समजले. त्यांच्या आत्म्यास शांती लाभो! भावपूर्ण श्रद्धांजली 🙏🏻
— Aaditya Thackeray (@AUThackeray) March 29, 2023
पुण्याचे खासदार गिरीशजी बापट यांचं निधन झाल्याचं वृत्त अत्यंत दुःखद आहे . त्यांच्या आत्म्यास शांती लाभो आणि या दुःखातून सावरण्याचं बळ बापट कुटुंबियांना मिळो, ही ईश्वर चरणी प्रार्थना. माझी गिरीशजी बापट यांना भावपूर्ण श्रद्धांजली. pic.twitter.com/7PUpj39jdk
— Nana Patole (@NANA_PATOLE) March 29, 2023
पुण्याचे खासदार गिरीष बापट यांच्या निधनाचे वृत्त अत्यंत दु:खद आहे. पक्षीय राजकारणापलिकडे जाऊन सर्व पक्षातील नेत्यांशी मैत्रीचे संबंध असणारे गिराषजी सन्मित्र म्हणून कायम स्मरणात राहतील. त्यांना माझी भावपूर्ण श्रद्धांजली! आम्ही सर्व बापट कुटुंबियांच्या दु:खात सहभागी आहोत. pic.twitter.com/W2G0VaZ7qD
— Balasaheb Thorat (@bb_thorat) March 29, 2023
पुण्याचे खासदार गिरीशजी बापट यांच्या निधनाचे वृत्त दुःखद आहे. त्यांच्या रूपात तब्बल पाच दशके सार्वजनिक जीवनात सक्रिय राहिलेले महाराष्ट्रातील एक अनुभवी नेतृत्व काळाच्या पडद्याआड गेले. सुसंस्कृत, विनयशील व मितभाषी व्यक्तीमत्व म्हणून ते स्मरणात राहतील.
त्यांना भावपूर्ण श्रद्धांजली. pic.twitter.com/788dE64DLM— Ashok Chavan (@AshokChavanINC) March 29, 2023