"गिरीश बापट यांनी समाजाची तळमळीने सेवा केली", पंतप्रधान नरेंद्र मोदी, अमित शहा यांच्याकडून शोक व्यक्त
पुढारी ऑनलाईन: भाजपाचे पुण्यातील खासदार गिरीश बापट यांचं ७२ व्या वर्षी निधन झालं आहे. प्रकृती अस्वास्थ्यामुळे त्यांच्यावर पुण्यातील रुग्णालयात उपचार सुरू होते. मात्र, त्यांची आज प्राणज्योत मालवली. दरम्यान, त्यांच्या निधनानंतर पंतप्रधान नरेंद्र मोदी आणि केंद्रीय गृहमंत्री अमित शहा यांनी ट्वीटद्वारे भावना व्यक्त केल्या आहेत.
भारतीय जनता पार्टीचे ज्येष्ठ नेते, पुण्याचे खासदार गिरीश बापट यांच्या निधनाचे वृत्त अत्यंत दु:खद असल्याचे पंतप्रधान नरेंद्र मोदी यांनी म्हटले आहे. बापट यांनी “पुण्याच्या आणि महाराष्ट्राच्या विकासात त्यांनी दिलेले योगदान सदैव स्मरणात राहील असं ही मोदी म्हणाले. महाराष्ट्रात भारतीय जनता पार्टीच्या उभारणी करणार्‍या नेत्यांमध्ये ते अग्रणी होते. म्हणूनच जनतेचे त्यांना भरभरुन प्रेम मिळाले”, असंही त्यांनी नमूद केलं. तर केंद्रीय गृहमंत्री अमित शहा म्हणाले की, गिरीश बापट यांच्या निधनाने भाजपची कधीही भरून न येणारी हानी झाली आहे. बापट हे शेवटच्या श्वासापर्यंत देश व संघटनेच्या हितासाठी समर्पित राहिले, असं शहा यांनी म्हटलं आहे.
Shri Girish Bapat Ji was a humble and hardworking leader who served society diligently. He worked extensively for the development of Maharashtra and was particularly passionate about Pune’s growth. His passing away is saddening. Condolences to his family and supporters. Om Shanti pic.twitter.com/17M0XpcwpF
— Narendra Modi (@narendramodi) March 29, 2023
Shri Girish Bapat Ji played a key role in building and strengthening the BJP in Maharashtra. He was an approachable MLA who raised issues of public welfare. He also made a mark as an effective Minister and later as Pune’s MP. His good work will keep motivating several people.
— Narendra Modi (@narendramodi) March 29, 2023
पुण्याचे खासदार व भाजपचे ज्येष्ठ नेते गिरीश बापट यांच्या निधनाने भाजपची कधीही भरून न येणारी हानी झाली. बापटजी शेवटच्या श्वासापर्यंत देश व संघटनेच्या हितासाठी समर्पित राहिले. या दु:खाच्या प्रसंगी संपूर्ण संघटन त्यांच्या कुटुंबासोबत उभ आहे. दिवंगत आत्म्यास चिरशांती लाभो. ॐ शांति
— Amit Shah (@AmitShah) March 29, 2023