पुणे : मागणी कमी असल्यामुळे खाद्यतेलांच्या दरातील मंदी कायम असून गेल्या आठवड्यातही दर आणखी उतरले. गोटा खोबरे दरातही दहा किलोमागे आणखी शंभर रुपयांनी घट झाली. सर्व प्रकारचा नवा तांदूळ बाजारात उपलब्ध झाला असून वर्षभराच्या खरेदीसाठी तांदूळ महोत्सवांना प्रारंभ झाला आहे. आवक-जावक साधारण असल्यामुळे गहू, ज्वारी, बाजरी, तांदूळ तसेच डाळी-कडधान्यांचे दर स्थिर होते.
सध्या जागतिक बाजारात मंदीचे वातावरण असून आंतरराष्ट्रीय बाजारात सध्या मागणी मंदावली आहे. खाद्यतेलांस मागणी कमी असून दरातील घसरण सुरूच आहे. गेल्या आठवड्यातही सोयाबीन, पामोलिन आणि सूर्यफूल तेलाच्या दरात टनामागे आणखी 40 डॉलर्संनी घट झाली. देशात यंदा मोहरीचे पीक समाधानकारक असून सुमारे 125 लाख टन इतके उत्पादन होईल असा अंदाज आहे. गतवर्षीच्या 85 लाख टनाच्या तुलनेने ही आकडेवारी खूपच मोठी असून यामुळे खाद्यतेलांचे दर कमी होण्यास मदत झाली आहे. सध्या येथील घाऊक बाजारात खाद्यतेलांस मागणी एकदम कमी असून गेल्या आठवड्यातही शेंगदाणा तेल वगळता अन्य सर्व खाद्यतेलांचे दर आणखी 25 ते 30 रुपयांनी कमी झाले. सूर्यफूल तेलाच्या दरात सर्वाधिक म्हणजे 50 रुपयांनी घट झाली.
साखर, गूळ स्थिर
आवक मुबलक असून मागणी कमी असल्यामुळे साखरेचे दर मंदीतच आहेत. शनिवारी येथील घाऊक बाजारात साखरेचा प्रति क्विंटलचा दर 3450 ते 3500 रुपये होता. आवक-जावक साधारण असल्यामुळे गुळाच्या दरातही फारसा फेरबदल आढळला नाही. संक्रांतीचा सण जवळ आल्यामुळे विविध जिनसा बनविण्याकरिता चिक्की गुळास मागणी चांगली असून गुळाच्या दरातील तेजी कायम आहे.
तांदूळ महोत्सवांना प्रारंभ
तांदळाचा नवा हंगाम सुरू झाला असून देशाच्या विविध भागातील वेगवेगळ्या जातीच्या तांदळाची आवक सुरू झाली आहे. वर्षभराची एकदम खरेदी करणार्या ग्राहकांसाठी आयोजित होणार्या तांदूळ महोत्सवांना प्रारंभ झाला असून ग्राहकांचा प्रतिसाद उत्तम असल्याचे सांगण्यात आले. नव्या तुरीची आवक तुरळक प्रमाणात होत असून येत्या काही दिवसात आवक वाढेल असा अंदाज आहे. हजर मालाचा तुटवडा असल्यामुळे तुरडाळीचे दर तेजीत असून गेल्या आठवडयात दरात 200 रुपयांनी वाढ झाली होती.
मात्र आठवडाअखेरीस मागणी कमी झाल्याने हे दर पुन्हा पूर्वपदावर आले. मागणी कमी असल्यामुळे मसुरडाळीच्या दरात 100 ते 150 रुप8यांनी घट झाली. आवक जावक साधारण असल्यामुळे अन्य सर्व डाळी आणि कडधान्याचें दर स्थिर होते. नारळाचे आगामी पीक मोठे असून सध्या मागणी कमी असल्यामुळे गोटा खोबर्याचे दर मंदीतच आहेत. गेल्या आठवडयात दरात दहा किलोमागे शंभर रुपयांनी घट झाल्याचे सांगण्यात आले.
पुण्याच्या घाऊक बाजारातील दर पुढीलप्रमाणे : साखर (प्रतिक्विंटल) 3450-3500 रु. खाद्यतेले (15 किलो/लिटर) : शेंगदाणा तेल 2620-2720, रिफाईंड तेलः 2475-3250, सरकी तेल 1800-2200, सोयाबीन तेल 1999-2150, पामतेल 1450-1700, सूर्यफूल रिफाईंड तेल 2000-2100, वनस्पती तूप 1425-1900, खोबरेल तेल 2350 रु. तांदूळ : गुजरात उकडा 320035000, मसुरी 3000-3300, सोनामसूरी 4000-4400, एच.एम.टी. कोलम 4500-5000, लचकारी कोलम 5500-6000, चिन्नोर 4500-5000, 1121-10000-11000, आंबेमोहोर (सुवासिक) 7000-8000, बासमती अखंड 11500-12000, बासमती दुबार 8500-9000, बासमती तिबार 9500-10000, बासमती मोगरा 4500-5000, बासमती कणी 3200-3500, 1509-8000-8500, इंद्रायणी 4500-5000 रु.
गहू : सौराष्ट्र लोकवन नं. 1 3900-4000, सौराष्ट्र लोकवन नं. 2 3400-3600, एम.पी. लोकवन 3250-3600, सिहोर नं. 1 5000-5600, सिहोर नं. 2 4200-4500, सिहोरी 3600-4000, मिलबर 3100 रु. ज्वारी : गावरान नं. 1-5200-5400, गावरान नं. 2-4500-4800, नं. 3 4000-4400, दूरी 3700-3900 रु. बाजरी : महिको 3300-3500, गावरान 3000-3200, हायब्रीड 2800-2900 रु. गूळ : गूळ एकस्ट्रा 3700-4000, गूळ नं. 1 3250-3400, गूळ नं. 2 3050-3200, गूळ नं.3 2900-3000, गूळ नं. 4 2700-2850, बॉक्स पॅकिंग 3000-4800, चिक्की गूळ पिल्ले / बॉक्स 4000-5000 रु.
डाळी : तूरडाळ 10000-11000, हरभराडाळ 5900-6000, मूगडाळ 8500-9600, मसूरडाळ 7700-7700, मटकीडाळ 9500-9600, उडीदडाळ 8000-10100 रु. कडधान्ये : हरभरा 5000-5200, हुलगा- 8000-8500 चवळी 7500-8000, मसूर 72000-7500, मूग 7800-8000, मटकी गावरान 11500-12500, मटकी पॉलिश 7500-8000, मटकी गुजरात 7500-7700, मटकी राजस्थान 7500-8000, मटकी सेलम 14000-14500, वाटाणा हिरवा 5800-6000, वाटाणा पांढरा 6500-6600, काबुली चणा 12000-15000 रु. साबुदाणा : साबुदाणा नं.1 6000, साबुदाणा नं.2 5700, साबुदाणा नं.3 5500 रु. वरई भगर :11000-12000, सावा भगर 10000-11000, गोटा खोबरे 1300-1600 रु. शेंगदाणा : जाडा 10500-12000, स्पॅनिश – 11200, घुंगरु 10500-15000, टीजे 9300 रु.धने : गावरान 12000-13000, इंदूर 14000-17000 रु.मका लाल : 2675-2725, पिवळा 2650-2700, पांढरा 3000-3200 रु.
पोहे : मध्य प्रदेश 3800-4200, पेण 3800-3900, मध्यम पोहा-3500-4100, दगडी पोहा 3600-4200, पातळ पोहा 4200-5000, सुपर पोहा 4200-4500, भाजका पोहा 600-650, मका पोहा 625-675, भाजके डाळे 2800-3200, मुरमुरा (9 किलोस) 475-525, भडंग 650-775, घोटी 450-475, सुरती 475-500 रु. रवा, मैदा, आटा : (50 किलोचा भाव) आटा 1650-1750, रवा 1725-1775, मैदा 1750-1800 बेसन :- (50 किलोस) 3300-3600 रु.मीठ : मीठ खडे (50 किलोस) 260, मीठ दळलेले (50 किलोस) 260 रु. मिरची : काश्मीरी ढब्बी 45000-47000, ब्याडगी 35000-37000, लवंगी तेजा 23000-25000, गुंटूर 25000-27000, खुडवा गंटूर 5500-6000, खुडवा ब्याडगी 4000- 4500 रु. नारळ : (शेकडयाचा भाव): नवा नारळ पॅकिंग 1350-1400, मद्रास 2500-2600, पालकोल जुना 1500-1550. सापसोल 2000-2700 रु.
