खासदार सुप्रिया सुळे यांनी केले कर्‍हा नदीचे विधिपूर्वक जलपूजन, कार्यकर्त्यांनी भंडारा उधळून निसर्गाचे मानले आभार

खासदार सुप्रिया सुळे यांनी केले कर्‍हा नदीचे विधिपूर्वक जलपूजन, कार्यकर्त्यांनी भंडारा उधळून निसर्गाचे मानले आभार
Published on: 
Updated on: 

जेजुरी, पुढारी वृत्तसेवा: महाराष्ट्राचे कुलदैवत असणार्‍या जेजुरीच्या खंडोबादेवाच्या नगरीतील कर्‍हा नदीवर असणारे नाझरे धरण दोन वर्षांनंतर पूर्ण क्षमतेने भरले आहे. खासदार सुप्रिया सुळे यांनी नाझरे धरणावर जाऊन कर्‍हा नदीचे विधिपूर्वक जलपूजन केले. धरण भरल्याने त्यांनी समाधान व्यक्त केले. या वेळी कार्यकर्त्यांनी भंडारा उधळून निसर्गाचे आभार व्यक्त केले. खासदार सुप्रिया सुळे यांनी अतिवृष्टीमुळे झालेल्या नुकसानीची पाहणी करण्यासाठी सोमवारी (दि. 12) पुरंदर तालुक्याचा दौरा केला. सायंकाळी चार वाजता खासदार सुप्रिया सुळे नाझरे धरणावर पोहचल्या. या ठिकाणी विधिपूर्वक कर्‍हा नदीचे जलपूजन केले. भंडारा उधळून निसर्गाचे आभार
व्यक्त केले.

या वेळी माजी आमदार अशोक टेकवडे, ज्येष्ठ नेते संभाजी झेंडे, पुरंदर तालुका राष्ट्रवादी काँग्रेसचे अध्यक्ष माणिकराव झेंडे पाटील, जिल्हा परिषदेचे माजी सदस्य विराज काकडे, पुणे जिल्हा राष्ट्रवादी काँग्रेसचे सरचिटणीस जयदीप बारभाई, कात्रज दूध संघाचे संचालक तानाजी जगताप, माजी नगरसेवक मेहबूब पानसरे, मोठ्या संख्येने कार्यकर्ते तसेच पाटबंधारे विभागाचे उपभियंता राजेंद्र भावसार, जेजुरी शाखाप्रमुख अनिल घोडके, गोरख गायकवाड, विश्वास पवार आदी उपस्थित होते.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

संबंधित बातम्या

No stories found.
logo
Pudhari News
pudhari.news