पिंपरी : वेश्या व्यवसाय सुरू असलेल्या दोन लॉजवर छापा मारून पोलिसांनी पाच महिलांची सुटका केली. शुक्रवारी (दि. 1) दुपारी ही कारवाई करण्यात आली. पहिली कारवाई दुर्गानगर चौकातील मिलन लॉजिंग अँड बोर्डिंग येथे करण्यात आली. याप्रकरणी मॅनेजर प्रदीप माधवा पुजारी (32, रा. निगडी), चालक मालक शशांक शेट्टी यांच्या विरोधात गुन्हा दाखल करण्यात आला आहे.
यातील प्रदीप याला अटक केली असून त्याच्याकडून 63 हजार 675 रुपयांचा मुद्देमाल पोलिसांनी जप्त केला आहे. या कारवाईमध्ये चार महिलांची वेश्या व्यवसायातून सुटका करण्यात आली आहे. दुसरी कारवाई थरमॅक्स चौक ते दुर्गा चौक दरम्यान असलेल्या साईदीप लॉजमध्ये करण्यात आली.
दीपेन दिनेश शेट्टी (30, रा. पुनावळे), विवेक नोबराज विश्वकर्मा (25, रा. चिंचवड. मूळ रा. नेपाळ) या दोघांना अटक केली आहे. आरोपी दोघेजण एका महिलेकडून वेश्या व्यवसाय करून घेत असल्याची माहिती मिळाल्याने पोलिसांनी छापा मारून कारवाई केली. या कारवाईत एका महिलेची सुटका करत 14 हजार 560 रुपयांचा मुद्देमाल पोलिसांनी जप्त केला आहे. दोन्ही गुन्ह्यांचा तपास निगडी पोलीस करीत आहेत.
