सुरगाणा प्रतिनिधी
सुरगाणा तालुक्यातील मोठामाळ येथे गुरुवारी (दि.19) पतीने पत्नीच्या चारित्र्यावर संशय घेत तिची हत्या केल्याची घटना समोर आली होती. या प्रकरणातील संशयित आरोपी हत्येनंतर फरार झाला होता. शनिवारी (दि.२१) रोजी संशयित आरोपी सिताराम दामू राऊत (३०) कोटमदर (गुजरात) येथून सुरगाणा पोलिसांनी ताब्यात घेतले असून आरोपीस रविवारी (दि.21) दिंडोरी न्यायालयात हजर करण्यात येणार आहे, अशी माहिती सुरगाणा पोलिस ठाण्याचे पोलिस निरीक्षक राहुल मोरे यांनी सांगितले आहे.
सुरगाणा पोलिसांनी दिलेल्या माहितीनुसार, मयत झालेल्या मुलीची आई उर्मिला मनसू गावित (४४, रा. मोठामाळ) हिने दिलेल्या फिर्यादीवरून सुरगाणा तालुक्यातील मोठामाळ येथे गुरुवारी (दि.19) रात्री संशयित सिताराम दामू राऊत (३०) याने पत्नी कला राऊत (२६) हिचा राहत्या घरी लोखंडी पावडीने मानेवर वार करत ठार केल्याची तक्रार नोंदवली होती.
याबाबत पुढील तपास पोलिस निरीक्षक राहुल मोरे यांच्या मार्गदर्शनाखाली सहायक पोलिस निरीक्षक राजेश गावित, नितीन ढेपले, कैलास मानकर, कविराज गावित, रमेश चव्हाण, संदिप पगारे, तुळशिराम चौधरी चेतन बागुल आदि तपास करत आहेत.
