नाशिक : मागील काही दिवसांपासून विविध माध्यमांतून मी भाजपमध्ये प्रवेश करणार अशा अफवा पसरविल्या जात आहेत. मात्र, या सर्व अफवा असून, मी काँग्रेस पक्षातच राहणार असल्याचे महाराष्ट्र प्रदेश काँग्रेस कमिटी सचिव राहुल दिवे यांनी स्पष्ट केले आहे.
दिवे म्हणाले की, काँग्रेस पक्षाचे विचार जनमानसापर्यंत पोहोचवण्याकरिता अनेक वर्षांपासून काम करत आहे. काँग्रेस पक्षाच्या धर्मनिरपेक्ष विचारांशी मी जोडलेलो असल्यामुळे मी काँग्रेस पक्ष सोडून कुठल्याही पक्षामध्ये प्रवेश करणार नाही. येत्या काळामध्ये काँग्रेस पक्ष व संघटना मजबूत करण्याकरिता मी कटिबद्ध आहे. त्यामुळे माझ्या पक्षप्रवेशाबद्दल येणाऱ्या बातम्या या अफवा असून, त्यावर कोणीही विश्वास ठेवू नये. माझ्या पक्षातील सर्व ज्येष्ठ नेत्यांचा माझ्यावर विश्वास आहे. त्या विश्वासाला मी कधीही तडा जाऊ देणार नाही, येत्या काळामध्ये काँग्रेस पक्षाच्या माध्यमातून मजबुतीने स्थानिक स्वराज्य निवडणुकांमध्ये यश मिळविण्याकरिता मी प्रामाणिक प्रयत्न करणार असल्याचे त्यांनी स्पष्ट केले.
