नाशिक : पुढारी ऑनलाइन डेस्क - छगन भुजबळांना बाजूला ठेवणं कुणालाही परवडणारे नाही. छगन भुजबळ भाजपमध्ये जाणार नाही, अजित दादांसोबतच राहतील, असे वक्तव्य नरहरी झिरवाळ यांनी केले आहे
आदिवासी भागातील वैदू आणि औषधी वनस्पतींना आयुर्वेदाशी सांगड घालून मुख्य प्रवाहात आणले जाणार आहे. राज्याचे अन्न आणि औषध प्रशासन मंत्री नरहरी झिरवाळ यांनी माहिती दिली असून “छगन भुजबळांना बाजूला ठेवणं कुणालाही परवडणारे नाही असेही त्यांनी म्हटले आहे. छगन भुजबळ भाजपमध्ये जाणार नाही, अजित दादांसोबतच राहतील असा नरहरी झिरवाळ यांनी विश्वास व्यक्त केला आहे.
मी भुजबळ साहेबांना भेटलो, नागपूरला रात्री भेट झाली. मंत्रिपद मिळालं नाही म्हणून ते नाराज नाहीत तर वागणूक पटली नाही असं त्यांचं म्हणणं आहे. राज्यसभा देण्याचा विचार सुरू आहे, असं मी त्यांना सांगितलं. त्यावर बोलताना ते म्हणाले की, आता असं कसं म्हणता की राज्यसभा देतो. जनतेची आणि आमची हेळसांड होणार नाही याचा विचार करा, असं भुजबळ यांनी म्हटल्याचं झिरवाळ यांनी सांगितले आहे. ते म्हणाले की, काहीतरी महायुतीचे नेते ऍडजस्ट करतील असा मला विश्वास आहे. भुजबळांना बाजूला ठेवणे कुणालाही परवडणारे नाही. ते भाजपात जाणार नाहीत, भुजबळ साहेब दादा सोबतच राहतील. त्यांना ओळखणं फार अवघड असल्याचं झिरवाळ यांनी म्हटलं आहे.
