Leopard Attack | बिबट्याचा काळपावर हल्ला: 4 मेंढ्यांचा फडशा, पाच गंभीर जखमी; शेतकरी धास्तावला

Nashik Devla News | खर्डे (ता. देवळा) येथील घटनेने खळबळ
Leopard Kills Sheep in Devla
खर्डे ता देवळा येथे बिबट्या च्या हल्ल्यात ठार झालेल्या मेंढ्यांच्या पंचनामा करतांना वनविभागाचे कर्मचारीPudhari
Published on
Updated on

Leopard Kills Sheep in Devla

देवळा ; खर्डे (ता. देवळा) येथे सोमवारी रात्री १० च्या सुमारास बिबट्याने मेंढ्यांच्या काळपावर हल्ला चढवत चार मेंढ्या फस्त केल्या. तर पाच मेंढ्या गंभीर जखमी केल्याची घटना घडली आहे. बिबट्याने अगदी गावाच्या हकेच्या अंतरावर असलेल्या सेत शिवारात दहशत निर्माण केल्याने पशु पालकांसह गावकऱ्यांमध्ये भीतीचे वातावरण पसरले आहे.

वनविभागाने या ठिकाणी बिबट्याला जेरबंद करण्यासाठी पिंजरा बसवावा. अशी मागणी येथील शिवसेनेचे (उद्धव ठाकरे ) विभाग प्रमुख विजय जगताप यांनी केली आहे .

देवळा तालुक्यातील अतिदुर्गम अशा खर्डे गावालगत तसेच इंदिरा गांधी विद्यालय समोर असलेल्या कांद्याची काढणी झालेल्या शेतात येथील मेंढपाळ रवींद्र वासुदेव यांनी वाडा टाकला आहे. सोमवारी रात्री १० च्या सुमारास बिबट्या ने या वाड्यातील मेंढ्यांच्या कळपावर हल्ला चढवला. यात बिबट्याने चार मेंढ्या फस्त केल्या. तर चार ते पाच मेंढ्या गंभीर जखमी केल्या आहेत.

Leopard Kills Sheep in Devla
Nashik Crime : कार्यकर्त्यांकडून मारहाणीनंतर महिलेचा आत्मदहनाचा प्रयत्न

या घटनेमुळे मेंढपाळ वासुदेव यांचे मोठ्या प्रमाणावर आर्थिक नुकसान झाले आहे . बिबट्या ने मेंढ्यांवर हल्ला चढवला. त्या वेळी मेंढपाळ वाड्यालगत झोपले होते. काही क्षणार्धात बिबट्याने घटनास्थळावरून धूम ठोकली. याठिकाणी दोन ते तीन बिबटे असल्याचे प्रथमदर्शनी पाहणाऱ्यांनी यावेळी सांगितले.

या घटनेमुळे शिवारात राहणाऱ्या पशु पालक तसेच शेतकऱ्यांमध्ये भीतीचे वातावरण निर्माण झाले आहे . घटनास्थळी वनविभागाच्या कर्मचाऱ्यांनी भेट देऊन मृत व जखमी मेंढ्यांच्या पंचनामा केला.

Leopard Kills Sheep in Devla
BJP Political Stronghold Nashik : महापालिका तिजोरीच्या चाव्याही भाजपच्याच हाती

तत्काळ भरपाई द्यावी, बिबट्याचा बंदोबस्त करण्यासाठी याठिकाणी पिंजरा बसविण्याची मागणी नागरिकांनी केली आहे. खर्डे सह पंचक्रोशीतील कणकापूर, कांचने, शेरी, वार्शी, हनुमंत पाडा, मुलुख वाडी परिसरात बिबट्यांचा वावर वाढल्याची तक्रार येथील नागरिकांनी केली आहे. वनविभागाने याची दखल घेऊन नागरिकांना दिलासा द्यावा, अशी मागणी विजय जगताप यांनी केली आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

संबंधित बातम्या

No stories found.
logo
Pudhari News
pudhari.news