Students Assault Case | इगतपुरीत माणुसकीला काळीमा! समाजकल्याण वसतिगृहात दहावीच्या विद्यार्थ्यांकडूनच अल्पवयीन मुलांवर अनैसर्गिक अत्याचार

इगतपुरी : पुढारी वृत्तसेवा

शहरातील समाजकल्याण विभागाच्या क्सतिगृहात विद्यार्थ्यांसोबत चकादायक घटना समोर आली आहे. वसतिगृहातील दहावीच्या वर्गात शिकणाऱ्या काही विद्यार्थ्यांनी याच वसतिगृहातील पाचवी ते सातवीत शिकणाऱ्या विद्यार्थ्यांवर अत्याचार केल्याची धकादायक घटना उघडकीस आली आहे.

शहरातील समाजकल्याण विभागाच्या वसतिगृहातील दहावीत शिक्षण घेणाऱ्या सात विधिसंघर्षित विद्यार्थ्यांनी याच वसतिगृहातील अल्पवयीन विद्याध्यर्थ्यांना गुंगीचे औषध देत त्यांच्यावर अनैसर्गिक अत्याचार केल्याचा प्रकार नुकताच उघडकीस आला.

या घटनेकडे दुर्लक्ष केल्याप्रकरणी वसतिगृह अधीक्षक सुशांत दुधसागरे यांच्यासह सात विधिसंचर्षित विद्यार्थ्यांविरुद्ध इगतपुरी पोलिस ठाण्यात गुन्हा दाखल करण्यात आला. गेल्या सात महिन्यांपासून हा प्रकार सुरू असल्याने मोठ्या विद्यार्थ्यांच्या भीतीपोटी पीडित मुलांनी या प्रकाराची वाच्यता केली नाही.

दरम्यान, वसतिगृह अधीक्षक सुशांत दुधसागरे यांना पीडित मुलांनी माहिती दिली होती, मात्र, त्यांनी वाकडे दुर्लक्ष केल्याने त्यांच्यावरही गुन्हा दाखल करण्यात आला. वसतिगृहातील पाचवी ते सातवीत शिकणाऱ्या अल्पवयीन विद्यार्थ्यांना भांगेच्या गोळ्या देत झुडपात नेत त्यांच्याशी वेळोवेळी अनैसर्गिक अत्याचार केला. याबाबत उपनिरीक्षक कांचन भोजने, हवालदार नीलेश देवराज तपास करत आहेत.

उच्चस्तरीय चौकशीचे जिल्हाधिकाऱ्यांचे आदेश

इगतपुरी येथील वसतिगृ‌हातील अल्पवयीन मुलांना गुंगीच्या गोळ्या देत त्याच्यावर अनैसर्गिक कृत्य केल्याचा प्रकार उघडकीस आल्यानंतर या प्रकरणाची गंभीर देखल घेत प्रभारी जिल्हा समाजकल्याण अधिकारी संजय शिंदे यांनी बुधवारी (दि.४) वसतिगृहाला भेट दिली. याबाबत प्राथमिक चौकशी अहवाल प्रशासनाला सादर केला.

दरम्यान, जिल्हाधिकारी आयुष प्रसाद यांनी उच्चस्तरीय चौकशी केली जाणार असल्याचे सांगितले. जिल्हा समाजकल्याण अधिकारी संजय शिंदे यांनी बुधवारी सकाळी वसतिगृहाला भेट दिली. त्यावेळी वसतिगृह बंद होते, दहावीची परीक्षा असल्याने विद्याथ्यांना घरी काढून दिल्याचे सांगण्यात आले.

मात्र, प्रशासनाने विद्यार्थ्यांना बोलावून घेतले. यानंतर या प्रकाराबाचत विद्याथ्र्यासमवेत चर्चा केली. शिंदे यांनी विद्यार्थ्यांशी प्रेमाने समजावून सांगत माहिती जाणून घेतली. विद्याथ्यांनी अनैसर्गिक अत्याचार होत असल्याचे नमूद केले. वा प्रकरणाबाबत वसतिगृह अधीक्षक यांनी पोलिसांत गुन्हा दाखल केला असला तरी, समाजकल्याण विभाग, जिल्हा प्रशासनाला अंधारात ठेवले. दिवसभर वसतिगृहाची चौकशी करत जिल्हा समाजकल्याण अधिकारी सिदे यांनी चौकशी अहवाल तयार केला. चौकशी कार्यकाळात असतिगृह बंद ठेवण्यात यावे, यासह वसतिगृहातील अनेक त्रुटी निदर्शनास आणून दिल्या.