नाशिक : पुढारी वृत्तसेवा
जागतिक बाजारातील घडामोडी आणि देशांतर्गत मागणीत झालेल्या प्रचंड वाढीमुळे चांदीप्रमाणेच सोनेदराचा भडका उडाला आहे. काही दिवसांपूर्वीच २४ कॅरेट सोन्याने दीड लाखाचा टप्पा ओलांडला होता.
आता २२ कॅरेट सोनेही दीड लाख पार गेल्याने, सोने खरेदी सर्वसामान्यांच्या आवाक्याबाहेर गेली आहे. दुसरीकडे चांदीने सर्वकालीन उच्चांक प्रस्थापित करताना नव्या वर्षाच्या पहिल्याच महिन्यात साडेतीन लाखांचा टप्पा पार केला आहे. सराफा बाजारात सोने-चांदीच्या दरातील मोठ्या वाढीमुळे सर्वसामान्य ग्राहक चिंताग्रस्त असताना, गुंतवणूकदारांमध्ये मात्र आनंदीआनंद बघावयास मिळत आहे.
शनिवारी (दि. २४) एका दिवसात २४ कॅरेट सोन्यात तब्बल दोन हजारांनी वाढ नोंदविली गेली. २२ कॅरेट सोनेही दोन हजारांनी वधारल्याने, ते दीड लाख पार गेले. तर चांदीतील दरवाढीचा वेग हा शनिवारीदेखील विक्रमी राहिला. चांदीत एका दिवसात तब्बल २३ हजार ७१० रुपयांची विक्रमी वाढ नोंदविली गेली. दरवाढीचा हा वेग
