नाशिक : आषाढ महिन्याची अमावस्या अर्थात दीप अमावस्या रविवारी (दि. ४) घरोघरी साजरी करण्यात येणार आहे. यानिमित्ताने नाशिककरांनी घरातील दिव्यांची सफासफाई केली. (Amavasya in the month of Aashaadha that is Deep Amavasya is being celebrated from house to house.)
हिंदु धर्मात आषाढ अमावस्या अर्थात दीप अमावस्येला विशेष असे महत्व आहे. या दिवशी दिव्यांची खास आरास करताना त्यांचे पूजनही करण्यात येते. दिव्याला मांगल्य, समृद्धी व चैतन्याचा प्रतिक मानले जाते. आपल्या आयुष्यात सुख-समृद्धी येण्यासाठी दीप अमावस्येला दिव्यांचे पूजन केले जाते. धार्मिक मान्यतेनुसार अंधारातूशाकडे नेण्याचा हा मार्ग असल्याचे म्हटले जाते. या दिवशी स्नान, दान आणि पूजाविधीचे वेगळे महत्त्व आहे. दरम्यान, दीप अमावस्या रविवारी साजरी केली जाणार आहे. शनिवारी (दि. ३) दुपारी ३ वाजून ५० मिनिटांनी अमावस्या सुरु झाली आहे. रविवारी (दि. 4) रोजी दुपारी 4 वाजून 42 मिनिटांनी संपणार आहे. त्यामुळे नागरिकांनी शनिवारीच (दि.3) घरातील दिव्यांची स्वच्छता करण्यात आली.
दीप अमावस्येला पहाटे लवकर उठून स्नान करावे. तसेच स्वच्छ वस्त्र परिधान करावे. घरातील सर्व दिवे स्वच्छ करुन घ्यावे. त्यानंतर देवघरासमोर पाट किंवा चौरंग मांडत त्याच्याभोवती रांगोळी काढावी. पाटावर लाल रंगाचे वस्त्र अंथरुन निरांजन, समई आणि पिठाचे दिवे मांडत त्याचे पूजन करावे.
