नाशिक : क्रेडाई नाशिक मेट्रोतर्फे ठक्कर डोम येथे आयोजित 'नम: नाशिक - प्रॉपर्टीचा महाकुंभ' प्रदर्शनास मिळालेला उदंड प्रतिसादामुळे नाशिकच्या अर्थकारणाला मोठी गती मिळणार आहे. सणासुदीच्या पार्श्वभूमीवर हा एक सकारात्मक संकेत असल्याचे मत अध्यक्ष गौरव ठक्कर यांनी व्यक्त केले आहे. दरम्यान, प्रदर्शनाचा सोमवारी (दि.१८) समारोप करण्यात येणार असून, गृहस्वप्न साकारण्याची नागरिकांनी संधी आहे.
गौरव ठक्कर म्हणाले, इमारत निर्माणाधीन असताना जवळपास ४८ विविध उत्पादने व सेवांची गरज पडते, तसेच ती इमारत पूर्णत्वास गेल्यानंतर तेथील रहिवाशांसाठी जवळपास २२ विविध सेवा लागतात. यामुळे अनेक प्रमाणात प्रत्यक्ष आणि अप्रत्यक्ष रोजगार निर्मिती होते. रिअल इस्टेटमधील प्रतिसाद मिळणे म्हणजे शहरासाठी सकारात्मक अर्थकारण हे एक समीकरण आहे असेही त्यांनी नमूद केले. प्रदर्शनाचे समन्वयक ऋषिकेश कोते म्हणाले, प्रदर्शनात १५ लाखांपासून ते ४ कोटीहून अधिक किंमतीच्या सदनिका उपलब्ध आहेत. तसेच सध्या गृहकर्जाचे दर तुलनात्मकदृष्ट्या कमी असून, प्रदर्शनात देखील विविध ऑफर्स देण्यात येत असल्याचे त्यांनी सांगितले.
समन्वयक नरेंद्र कुलकर्णी म्हणाले, कधी काळी एक आणि दोन मजली टुमदार घरांचे नाशिक आता उंच उंच इमारती तसेच टाऊनशिपचे शहर होत आहे. यामध्ये विविध सोयीसुविधा देखील बांधकाम व्यवसायिक देत आहेत. १४ ऑगस्टला सुरू झालेल्या या प्रदर्शनाचा सोमवारी (दि. १८) समारोप होणार असून, एका छताखाली असलेल्या पाचशेपेक्षा अधिक पर्यायातून निवड करण्यासाठी प्रदर्शनाला भेट देण्याचे त्यांनी आवाहन केले. प्रदर्शनस्थळी स्पॉट बुकिंग करणाऱ्यांना चांदीचा शिक्का भेट म्हणून देण्यात येत आहे, अशीही माहिती त्यांनी दिली. प्रदर्शनास दिपक बिल्डर्स अँड डेवलपर्स यांचे मुख्य प्रायोजकत्व लाभले असून, प्रदर्शन यशस्वी करण्यासाठी क्रेडाई नाशिक मेट्रोचे मानद सचिव तुषार संकलेचा, एक्सपो कमिटीचे प्रमुख मनोज खिवंसरा, आयपीपी कृणाल पाटील, उपाध्यक्ष अनिल आहेर, उदय घुगे, अंजन भालोदिया, कोषाध्यक्ष श्रेणिक सुराणा, सहसचिव सचिन बागड, हंसराज देशमुख, मॅनेजिंग कमिटी सदस्य श्यामकुमार साबळे, अनंत ठाकरे, विजय चव्हाणके, सागर शाह, निशित अटल, सुशील बागड, निरजन शाह, वृषाली हिरे, दीपाली बीरारी, सहयोगी सदस्य सतीश मोरे,सुशांत गांगुर्डे, अभिषेक महाजन,समीर सोनवणे, मनोज लाडानी, हर्षल हणमंते, भूषण कोठावदे, शिवम पटेल, हिरेन भडजा, मयुरेश चौधरी, ऋषभ तोडरवाल, क्रेडाई युवा विग समन्वयक आदित्य भातंबरेकर, सह समन्वयक अजिंक्य नाहर हे विशेष सहकार्य करत आहेत.
प्रदर्शनाच्या समारोप कार्यक्रमात प्रमुख पाहुणे म्हणून विभागीय आयुक्त डॉ. प्रवीण गेडाम, महापालिका आयुक्त मनिषा खत्री, पोलीस आयुक्त संदीप कर्णिक, नाशिक महानगर विकास प्राधिकरण आयुक्त माणिक गुरसळ उपस्थित राहणार आहेत.
प्रदर्शन कालावधीत भेट देणाऱ्यांपैकी भाग्यवंतांची लकी ड्रॉ द्वारे निवड करण्यात आली. त्यामध्ये चंद्रकांत भारंभे, शेजल संघवी, दिनेश राठोड, प्रशांत शेलोळे, चंद्रशेखर जोशी, चंदन लिहितकर, निलेश शहाकर, हेमलता शाळके, सागर ठोके, रुषिकेश धनवटे, सुजाता कातकडे, अजय मेहता, अमोल भोरसे यांचा समावेश आहे.
