येवला मतदारसंघात विकासाची गंगा भुजबळ साहेबांनी निर्माण केली. त्यांच्याच संकल्पनेतून, पुढाकारातून छत्रपती शिवाजी महाराज यांचा इतिहास डोळ्यासमोर मांडणारी शिवसृष्टी येवल्यात उभी राहत आहे. या शिवसृष्टीतून छत्रपती शिवाजी महाराज यांचे साहस, शौर्य, पराक्रम, त्यांच्या कल्याणकारी राज्याची प्रतिकृती सर्वांसमोर मांडली जाणार असून शिवसृष्टीचे काम पूर्ण होईपर्यंत कुठलाही निधी कमी पडू दिला जाणार नाही असे प्रतिपादन राज्याचे उपमुख्यमंत्री तथा अर्थमंत्री अजित पवार यांनी केले.