जळगाव : जळगाव जिल्ह्यामध्ये 15 पंचायत समिती सभापतींचे आरक्षण नवीन रुजू झालेले जिल्हाधिकारी रोहन घुगे यांच्या उपस्थितीत आज जिल्हा नियोजन भवन या ठिकाणी पार पडले. भुसावळ पंचायत समितीचे सभापतीचे आरक्षण हे अनुसूचित जमातीसाठी निघाले आहे तर जामनेर व चाळीसगाव हे सर्वसाधारण महिलांसाठी निघाले आहे
जळगाव जिल्ह्यात 15 पंचायत समिती सभापती पदांची आरक्षण सोडत संपन्न झाली.या आरक्षण सोडवत नूतन जिल्हाधिकारी रोहन घुगे यांच्या अध्यक्षतेखाली पार पडली.या सोडतीतून संबंधित पदांचे आरक्षण निश्चित करण्यात आले असून, प्रक्रिया पूर्णपणे पारदर्शक, निष्पक्ष आणि कायदेशीर नियमांनुसार पार पडली. बैठकीस नागरिक, विविध राजकीय पक्षांचे पदाधिकारी, तसेच प्रशासकीय अधिकारी उपस्थित होते.संपूर्ण सोडत प्रक्रिया शांततेत व सुव्यवस्थितरीत्या पार पडली.
यामध्ये जळगाव जिल्ह्यातील भुसावळ नगरपालिकेचे तसे लक्षवेधी होते त्याचप्रमाणे भुसावळ पंचायत समितीचेही आरक्षण हे अनुसूचित जमातीसाठी निघाले आहे. त्यामुळे आता नगराध्यक्ष व सभापती हे दोन्ही पदे घरातच जाणार की कार्यकर्त्यांना मिळणारी याकडे सर्वांचे लक्ष लागले आहे. तर दुसरीकडे जामनेर पंचायत समितीचे सर्वसाधारण महिला सभापतीचे आरक्षण निघालेले आहे. जिल्ह्याचे नव्हे तर राज्याच्या दृष्टीने लक्षवेधी ठरणारी मुक्ताईनगर या ठिकाणी नागरिकांचा मागास प्रवर्गामध्ये महिला हे सभापतीचे आरक्षण निघाले आहेत.
असे आहे आरक्षण
-अनुसूचित जाती महिला पारोळा
-अनुसूचित जमाती महिला बोदवड
-अनुसूचित जमाती भुसावळ चोपडा
-नामप्र अंमळनेर एरंडोल
-नागरिकांचा मागास प्रवर्ग महिला रावेर मुक्ताईनगर
-सर्वसाधारण महिला चाळीसगाव जळगाव जामनेर धरणगाव
-सर्वसाधारण यावर पाचोरा भडगाव
