Illegal Gambling Operation
जळगाव : येथील स्थानिक गुन्हे शाखा यांनी अवैध जुगार अड्ड्यावर छापा टाकून 12 लाख 24 हजार 260 रुपयाचा मुद्देमालासह १६ आरोपी ताब्यात घेतले.
स्थानिक गुन्हे शाखेचे वरिष्ठ पोलीस निरीक्षक, राहुल गायकवाड, यांना गोपनिय माहिती मिळाली की, पाळधी येथे अवैध जुगार अड्डा सुरु आहे. माहिती मिळाल्याने त्यांनी स्थानिक गुन्हे शाखा, येथील पोउपनि, शरद बागल यांचे नेतृत्वात अक्रम शेख, प्रविण भालेराव, मुरलीधर धनगर, नितीन बावीस्कर, सलीम तडवी, विनोद पाटील, विजय पाटील, रंविंद्र चौधरी, रविंद्र कापडने, सिध्देश्वर डापकर, राहुल रगडे, रतन गिते, मयुर निकम, भारत पाटील महेश सोमवंशी प्रमोद ठाकुर यांचे पथक तयार करुन वरिष्ठ पोलीस निरीक्षक राहुल गायकवाड, स्थानिक गुन्हे शाखा यांनी केलेल्या मार्गदर्शनाप्रमाणे पोलीस उप निरीक्षक शरद बागल व पथक यांनी पाळधी येथे शाम कॉलनी येथील एका घराचे दुस-या मजल्यावर सुरु असलेल्या अवैध जुगार अड्ड्यावर छापा मारला.
त्याठिकाणी १६ आरोपी यांना ताब्यात घेवुन त्यांचेकडून रोख रक्कम ७ लाख २२ हजार २६० व ५ लाख ०२ हजार रु किं. चे वेगवेगळ्या कंपनीचे मोबाईल फोन असा एकुण जुगार साहित्यासह १२ लाख २४ हजार २६० रु चा मुद्देमाल हस्तगत केला. त्यांचेविरुध्द धरणगांव पो.स्टे. येथे गुन्हा नोंद करण्यात आला आहे.
सदरची कार्यवाही पोलीस अधीक्षक, डॉ महेश्वर रेडी, अपर पोलीस अधीक्षक, चाळीसगांव कविता नेरकर, उपविभागीय पोलीस अधिकारी, चोपडा आण्णासाहेब घोलप, वरिष्ठ पोलीस निरीक्षक राहुल गायकवाड व स्थानिक गुन्हे शाखा चे अधिकारी कर्मचारी यांनी संयुक्तीकरित्या केली आहे.
