MLA Bachchu Kadu : महाराष्ट्र वगळता देशात दिव्यांगांसाठीचा निधी खर्च होत नाही : आमदार बच्चू कडू

MLA Bachchu Kadu : महाराष्ट्र वगळता देशात दिव्यांगांसाठीचा निधी खर्च होत नाही : आमदार बच्चू कडू
Published on
Updated on

धुळे, पुढारी वृत्तसेवा : देशात दिव्यांगांसाठी कायदा तयार करण्यात आला. पण या कायद्याची अंमलबजावणी होत नसल्याने मला महाराष्ट्रात वेगवेगळ्या जिल्ह्यात आंदोलने करावी लागली. त्यामुळे ३५० गुन्हे माझ्यावर दाखल झाले. यातील काही गुन्ह्यांमध्ये शिक्षा देखील झाली. पण दिव्यांगांच्या जीवनात आनंद आणण्यासाठी आपण काम सुरूच ठेवले. आज महाराष्ट्रात दिव्यांगांसाठी पाच टक्के निधी खर्च होतो. ही समाधानाची बाब आहे. देशातील अन्य राज्यात हा निधी खर्च होतच नसल्याची खंत आमदार बच्चू कडू यांनी व्यक्त केली. MLA Bachchu Kadu

धुळे येथील पोलीस प्रशिक्षण केंद्राच्या सभागृहामध्ये आज शासनाच्या दिव्यांग मंत्रालयाच्यावतीने कार्यक्रमाचे आयोजन करण्यात आले. यात दिव्यांग व्यक्तींच्या नोंदणी पासून त्यांना विविध योजनांचा लाभ देण्याचे नियोजन करण्यात आले. MLA Bachchu Kadu

या कार्यक्रमाच्या अध्यक्षस्थानी महापौर प्रतिभाताई चौधरी या होत्या. तर जिल्हाधिकारी अभिनव गोयल, जिल्हा परिषदेचे मुख्य कार्यकारी अधिकारी शुभम गुप्ता, अध्यक्षा अश्विनी पाटील, सभापती संजीवनी सिसोदे, उपसभापती देवेंद्र पाटील, महापालिकेच्या आयुक्त अनिता दगडे पाटील, सभापती कैलास पावरा, माजी सभापती अरविंद जाधव यांच्यासह अनेकांची उपस्थिती होती.

आमदार कडू म्हणाले की, देशात आमदार, खासदार किंवा अधिकारी यांचे घर तयार होते. पण दिव्यांगांना स्वतःचे घर नसल्याच्या अनेक घटना आहेत. पण आता दिव्यांग मंत्रालयाच्या माध्यमातून राबविण्यात येणाऱ्या योजनेच्या माध्यमातून त्यांना हक्काचे घर देणे शक्य होणार आहे. आपल्या शरीराचा अवयव निकामी असताना जगण्याची जिद्द काय असते, हे दिव्यांगाच्या आत्मविश्वासातून दिसते. त्यामुळे त्यांच्या जीवनात आनंद आणण्यासाठी आपण अहोरात्र प्रयत्न करणार आहोत. राजकारणापेक्षाही आपल्याला ही सेवा महत्त्वाची वाटते अशीही त्यांनी यावेळी सांगितले.

हेही वाचा 

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

संबंधित बातम्या

No stories found.
logo
Pudhari News
pudhari.news