Shindkheda Minor Girl Harassment
धुळे : शिंदखेडा तालुक्यातील चिमठाणे येथे एका अल्पवयीन मुलीशी गैरवर्तन करून त्याचे चित्रीकरण सोशल मीडियावर प्रसारित केल्याप्रकरणी दोन जणांविरुद्ध गुन्हा दाखल करण्यात आला आहे. यातील एक आरोपी अल्पवयीन असल्याची माहिती समोर आली आहे.
पोलिसांनी दिलेल्या माहितीनुसार, चिमठाणे येथील एका व्यक्तीने अल्पवयीन मुलीशी गैरवर्तन केल्याचा आरोप आहे. या घटनेचे चित्रीकरण मोबाईल फोनमध्ये करण्यात आले होते. त्यानंतर संबंधित व्हिडिओ काही मोबाईल माध्यमांतून प्रसारित करण्यात आल्याचेही उघड झाले.
घटनेची माहिती मिळताच पीडित मुलीच्या नातेवाईकांनी शिंदखेडा पोलीस ठाण्यात तक्रार दाखल केली. तक्रारीची गंभीर दखल घेत पोलीस निरीक्षक ज्ञानेश्वर वारे यांनी घटनास्थळी भेट देऊन परिस्थितीची पाहणी केली आणि प्राथमिक चौकशी केली.
त्यानंतर संबंधित दोघांविरुद्ध शिंदखेडा पोलीस ठाण्यात गुन्हा नोंदविण्यात आला असून प्रकरणाचा पुढील तपास सुरू आहे. पोलिसांकडून आरोपींच्या भूमिकेची तसेच व्हिडिओ प्रसारित होण्यामागील बाबींची सखोल चौकशी केली जात आहे.
