Smart Anganwadi Kitchen Set: अंगणवाड्यांना स्मार्ट किचन सेटसाठी १ कोटींचा निधी मंजूर

जिल्हा वार्षिक योजनेतून तरतूद; ग्रामीण भागातील अंगणवाड्यांचे स्वयंपाकघर होणार आधुनिक
Smart Anganwadi Kitchen Set
Smart Anganwadi Kitchen SetPudhari
Published on: 
Updated on: 

नगर: जिल्ह्यातील ग्रामीण भागातील अंगणवाड्यांचा स्मार्ट अंगणवाडी म्हणून विकास करण्यासाठी जिल्हा वार्षिक (सर्वसाधारण) योजनेतून सन २०२६-२७ या आर्थिक वर्षात एक कोटी रुपयांची तरतूद करण्यात आली आहे. या निधीतून अंगणवाडी केंद्रांना किचन सेट पुरविण्याची योजना महिला व बालकल्याण विभागाने प्रस्तावित केली असून, लवकर त्याची अंमलबजावणीही केली जाणार आहे.

Smart Anganwadi Kitchen Set
Sujay Vikhe District Bank: जिल्हा बँक चालवताना भावनेपेक्षा गणिताला महत्त्व; सुजय विखे यांचा स्पष्ट संदेश

महाराष्ट्र शासनाच्या महिला व बालविकास विभागाच्या ३१ जानेवारी २०२२ रोजीच्या शासन निर्णयातील उपयोजना 'क' मधील मुद्दा क्रमांक चारनुसार अंगणवाडी केंद्रांतील स्वयंपाकघराचे आधुनिकीकरण करण्याची तरतूद आहे.

Smart Anganwadi Kitchen Set
Wombori Pipeline Water Theft: मढीच्या पाण्यावर डल्ला! जेसीबीने वांबोरी पाईपलाईन फोडली; पाणीपुरवठा ठप्प

याच आधारावर जिल्ह्यातील ग्रामीण भागातील अंगणवाड्यांना किचन सेट उपलब्ध करून देण्याचा निर्णय प्रस्तावित करण्यात आला आहे. जिल्हा नियोजन अधिकारी, जिल्हा नियोजन समिती, अहिल्यानगर यांनी २३ सप्टेंबर २०२६ रोजीच्या पत्राद्वारे या योजनेसाठी एक कोटींच्या निधीची तरतूद केली आहे.

Smart Anganwadi Kitchen Set
Godavari Water Dispute: गोदावरीच्या पाणीवाटपातील दुजाभावाचा मुद्दा मुख्यमंत्र्यांपर्यंत; जलसंपदा विभागाकडून चौकशी

दरम्यान, जिल्हा परिषदेचे मुख्य कार्यकारी अधिकारी तथा प्रशासक आनंद भंडारी यांनी या कामाला प्रशासकीय मान्यता दिली आहे. लवकरच पुढील कार्यवाही केली जाणार असल्याची माहिती समजली. मात्र, या निधीतून जिल्ह्यातील नेमक्या किती अंगणवाड्यांना किचन सेट मिळणार, एका संचाची किंमत किती असेल, त्यात कोणते साहित्य दिसेल, याबाबतची अंगणवाडी सेविकांमध्येही उत्सुकता आहे.

Smart Anganwadi Kitchen Set
Ahilyanagar Sugarcane Price: अहिल्यानगरमध्ये ऊसदराचा संघर्ष पेटणार; शेतकऱ्यांची चार हजारांच्या पहिल्या उचलीची मागणी

अंगणवाड्यांचा स्मार्ट अंगणवाडी म्हणून विकास होत आहे. यात आता किचन सेटचाही पुरवठा केला जाणार आहे. त्यासाठी एक कोटींची प्रशासकीय मान्यता झालेली आहे. मात्र निविदा प्रक्रिया बाकी असल्याने किती अंगणवाड्यांना हे सेट दिले जातील, हे निश्चित सांगता येणार नाही.

संजय कदम, उपमुख्य कार्यकारी अधिकारी, महिला व बालकल्याण

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.