सोनई : सोनई परीसरातील दोघांची बनावट कागदपत्रे दाखवून दहा लाख रुपयांची फसवणूक केल्याप्रकरणी श्रीरामपूर व नेवासा येथील दोघांवर पोलिस ठाण्यात गुन्हा दाखल करण्यात आला.
राहुल सुनील गडाख (वय 28) यांनी सोनई पोलिस ठाण्यात फिर्याद दिली. अनिकेत गायकवाड (रा. उस्थळ दुमाळा) याने सन 2024 मध्ये अतुल अनिल दोडके (रा. निपाणी वडगाव ता. श्रीरामपूर) याच्याशी माझी व माझा मित्र ऋषिकेश कैलास इलक यांची ओळख करून दिली. बेलापूर-पनवेल महानगरपालिका येथे माझा वशिला असून तेथे नोकरीस लावण्याचे एकाचे 5 लाख रुपये लागतील, असे सांगितले अनिल व अनिकेत या दोघांनीही विश्वास संपादन करून 3 फेब्रुवारी 2024 पासून फोन पे व रोख स्वरूपात पाच लाख रुपये घेतले.
ऋषिकेश कैलास इलग (रा . मोरेचिंचोरे, ता. नेवासा) याचीही माझ्यासारखेच पाच लाख रुपये अतुल दोडके याने घेतले असून आमचे दोघांचे मिळून 10 लाख रुपयांची फसवणूक झाली आहे. नोकरी संदर्भात विचारले असता दोघांनी उडवाउडवीची उत्तर देण्यास सुरुवात केली. त्यानंतर काही दिवसांनी नवी मुंबई महानगरपालिकेचे जॉइनिंग लेटर दिले. यासंदर्भात नवी मुंबई महानगरपालिका सीबीडी बेलापूर येथील कार्यालयात जाऊन विचारणा केली असता, येथे कोणतीच भरती नाही, असे सांगण्यात आले. जॉईन लेटर हे खोटे आहे, असे सांगितले
नवी मुंबईच्या महानगरपालिकेचे सहायक आयुक्तांच्या स्वाक्षरीचे कायमस्वरूपी कर्तव्यावर हजर करून घेतले. बाबतचा लेटरहेडचे छायांकित प्रती सादर केल्या आहेत. या फिर्यादीवरून अतुल अनिल दोडके व अनिकेत गायकवाड या दोघांंविरुद्ध गुन्हा दाखल करण्यात आला आहे. सहायक पोलिस निरीक्षक विजय माळी यांच्या मार्गदर्शनाखाली पोलिस उपनिरीक्षक सूरज मेढे पुढील तपास करीत आहे.
