नगर: चेन्नई येथील साईभक्त जितेंद्र उमेडी यांनी 185 ग्रॅम शुद्ध सोन्याचा मुलामा असलेली 15 किलो वजनाची ताब्याची छत्री श्री साईबाबांच्या चरणी अर्पण केली. संस्थानचे उपमुख्य कार्यकारी अधिकारी भिमराज दराडे यांच्याकडे ती सुपूर्द करण्यात आली. (Latest Ahilyanagar News)
बुधवारी सकाळी ही छत्री श्री साईबाबांच्या समाधी मंदिरातील मूर्तीवर प्रतिष्ठापित करण्यात आली असून, या नव्या छत्रीमुळे मंदिराच्या सौंदर्यात अधिक भर पडली आहे. याच साईभक्ताने यापूर्वीही श्री साईबाबा संस्थानला चेकद्वारे तब्बल 23 लाख रुपयांची देणगी दिली असल्याची माहिती दराडे यांनी दिली. या दानाबद्दल श्री साईबाबा संस्थानच्या वतीने साईभक्त जितेंद्र उमेडी यांचा सत्कार करण्यात आला.
साईभक्त जितेंद्र उमेडी यांचे हे दान आणि श्रद्धा भाविकांसाठी प्रेरणादायी असून त्यांच्या या योगदानातून संस्थानच्या धार्मिक आणि समाजोपयोगी कार्यांना बळ मिळेल, असा विश्वास दराडे यांनी व्यक्त केला.
