नगर: शिवसेनेचे पक्षप्रमुख एकनाथ शिंदे यांच्या उपस्थितीत अहिल्यानगर जिल्ह्यातील नगर तालुका पंचायत समिती माजी सभापती नंदा शेंडगे, मनपाचे माजी नगरसेवक दशरथ शिंदे यांच्यासह जिल्ह्यातील विविध पक्षांतील दीडशे कार्यकर्त्यांनी शिवसेनेमध्ये जाहीर प्रवेश केला. या वेळी संपर्कप्रमुख शंभूराज देसाई, सचिव संजय मोरे, जिल्हाप्रमुख बाबूशेठ टायरवाले, अभिषेक भोसले, अमोल हुंबे आदी उपस्थित होते.
उपमुख्यमंत्री एकनाथ शिंदे लवकरच जिल्ह्याच्या दौर्यावर येत असून, भव्य मेळाव्याचे आयोजन करण्यात येणार आहे. या मेळाव्यातही इतर पक्षांचे कार्यकर्ते प्रवेश करणार आहे. आगामी स्थानिक स्वराज्य संस्थांवर महायुतीचा झेंडा फडकविण्यासाठी कार्यकर्त्यांनी कामाला लागावे, असे आवाहन टायरवाले यांनी केले. (Latest Ahilyanagar News)
शेंडगे व शिंदे यांच्यासह राहुरी तालुक्यातील अनिल शेंडगे, देवळाली प्रवराचे माजी नगरसेवक गणेश भांड, हरिभाऊ हापसे, राधाबाई हापसे, पोपट शेळके, अर्जुन शेटे, श्रीकृष्ण भुजाडे, नरेंद्र रिंगे, पप्पू घोलप, प्रमोद बर्डे, सोमनाथ खांदवे, सुनील भांड, रवींद्र शिंदे, संजय बर्डे, किरण देशमुख, किशोर मोरे, सिद्धार्थ तनपुरे, गणेश पवार, राजेंद्र भुजाडे, बबलू कारंडे, संकेत घुले, नगर तालुक्यातील संगीता जाधव, सुनिता सासोडे, राणी गरुडकर, इंदुबाई लाटे, अनिता भोर, सुनीता भालसिंग, शशिकला इंगळे, शोभा माने आदींसह शेकडो कार्यकर्त्यांनी शिवसेनेत प्रवेश केला.
