नगर: दिल्लीगेट परिसरातील रस्त्यावरील डिव्हायडर (दुभाजक) गेल्या काही दिवसांपासून वाहनधारकांसाठी मोठा अपघात प्रवण क्षेत्र बनला होता. रात्रीच्या वेळी किंवा अंधारात हा डिव्हायडर नीट दिसत नसल्यामुळे गेल्या काही दिवसांपासून वाहने धडकून छोटे-मोठे अपघात होत होते.
यामुळे वाहनधारकांमध्ये तीव्र संतापाचे वातावरण होते. या समस्येची गंभीर दखल घेत आज उपमहापौर धनंजय जाधव यांनी दिल्लीगेट परिसराला भेट देऊन या धोकादायक डिव्हायडरची प्रत्यक्ष पाहणी केली. त्यानंतर अवघ्या काही तासांत प्रशासनाने डिव्हायडरवर रिफ्लेक्टर बसविले.
दिल्लीगेट परिसरातील रस्त्यावरील डिव्हायडर (दुभाजक) गेल्या काही दिवसांपासून वाहनधारकांसाठी अपघाताला आमंत्रण देत होता. दरारोज छोटे मोठे अपघात होत होते. नागरिकांच्या वारंवार तक्रारी आल्याने उपमहापौर ॲड. धनंजय जाधव यांनी आज सकाळी प्रत्यक्ष दिल्लीगेट येथे जावून दुभाजकाची पाहणी केली.
परिस्थितीचे गांभीर्य ओळखून उपमहापौर जाधव यांनी जागेवरून संबंधित महापालिका अधिकारी आणि सार्वजनिक बांधकाम विभागाच्या अधिकाऱ्यांना कडक शब्दात सूचना दिल्या व तात्काळ उपाययोजना करण्याचे आदेश दिले. उपमहापौरांच्या सूचनेनंतर महापालिका प्रशासान तातडीने कामाला लागले.
आदेश मिळाल्यानंतर अवघ्या काही तासांच्या आतच या धोकादायक डिव्हायडरच्या सुरुवातीला एक मजबूत पोल उभारून त्यावर चमकणारे रिफ्लेक्टर बसवण्यात आले. या रिफ्लेक्टरमुळे आता रात्रीच्या वेळी दूरवरून येणाऱ्या वाहनधारकांनाही डिव्हायडर स्पष्टपणे दिसणार असून, यामुळे होणारे अपघात पूर्णपणे टळणार आहेत.
