नाशिक हळहळलं; बाल्कनीत तोल जाऊन खाली पडल्याने 18 महिन्यांच्या बालिकेचा मृत्यू

नाशिक सिडको : पवननगर येथील पहिल्या मजल्यावरील घराच्या बाल्कनीत खेळताना तोल जाऊन खाली पडल्याने 18 महिन्यांच्या बालिकेचा मृत्यू झाल्याची घटना घडली आहे. समृद्धी राहुल खैरनार (रा. कामटवाडे, पवननगर) असे मृत बालिकेचे नाव असून, दोन दिवसांपासून तिच्यावर खासगी रुग्णालयात उपचार सुरू होते.

या प्रकरणी अंबड पोलिस ठाण्यात मृत्यूची नोंद करण्यात आली आहे. समृद्धी ही रविवारी (दि.7) रात्री घराच्या बाल्कनीत खेळत असताना ही घटना घडली होती. अचानक तोल जाऊन बाल्कनीतून सोसायटीच्या आवारात कोसळल्याने ती गंभीर जखमी झाली होती. जखमी समृद्धीला तत्काळ एका खासगी रुग्णालयात दाखल करण्यात आले होते. उपचारादरम्यान तिचा मृत्यू झाला.

हेही वाचा :

• गोवा : नारी शक्‍ती निर्णायक; आज ठरणार टक्‍का
• सांगली : वारणा पात्राबाहेर; कृष्णेचे पाणी वाढले