मुंबई : ठाणे किनारी मार्ग - 1 या प्रकल्पाचे काम वेगाने पुढे नेण्यात येत आहे. 8 महिन्यांत या प्रकल्पातील उन्नत मार्गाच्या पायाभरणीचे 50 टक्के काम पूर्ण झाले आहे. पिअर कॅप आणि आय गर्डरच्या उभारणीचे काम वेगाने सुरू आहे.
13.45 किमी लांबीचा, सहापदरी, प्रवेश-नियंत्रित ग्रीनफिल्ड मार्ग अत्याधुनिक अभियांत्रिकी तंत्रज्ञानाचा वापर करून उभारला जात आहे. भारतात प्रथमच ग्रीनफिल्ड रस्ता प्रकल्पात जमिनीवर मोनोपाइल फाऊंडेशनसह सिंगल-पाइल, सिंगल-पियर प्रणालीचा वापर केला जात आहे. गायमुख येथे हा मार्ग गायमुख-फाउंटन हॉटेल बोगद्याशी थेट जोडला जाईल.
यामुळे वाढवण बंदर, जेएनपीटी, दक्षिण महाराष्ट्र आणि कर्नाटकाकडे जाणारी मालवाहतूक सुलभ होईल. ठाणे किनारी मार्ग - 1 हा प्रकल्प ठाणे वर्तुळाकार मेट्रो, ठाणे किनारी मार्ग - 2, साकेत-आमणे उन्नत रस्ता आणि कासारवडवली-खारबाव मार्ग अशा महत्त्वाच्या पायाभूत प्रकल्पांशीही थेट जोडला जाणार आहे.
