Masala King Dhananjay Datar family event
मसालाकिंग धनंजय दातार आणि त्यांच्या पत्नी वंदना दातार यांनी आपला सुपुत्र रोहित दातार आणि सानिया नरवाडे यांच्या साखरपुड्याचा भव्य सोहळा रविवार, 19 एप्रिल 2026 रोजी मुंबईतील प्रतिष्ठित ताज लॅंडस् एंड येथे मोठ्या थाटामाटात आयोजित केला. या देखण्या संध्याकाळी कुटुंबीय, मित्रमंडळी आणि शुभेच्छुक मोठ्या संख्येने उपस्थित राहून, नव्या आयुष्याच्या प्रवासाला सुरुवात करणाऱ्या या जोडप्यावर आशीर्वादांचा वर्षाव केला.
या सोहळ्यात एक अप्रतिम संगीतमय कार्यक्रम रंगला ज्यामध्ये प्रसिद्ध गायक सुदेश भोसले आणि वैशाली सामंत यांच्या सादरीकरणांनी वातावरणात उत्साह आणि ऊर्जा भरली. या संगीतसंध्येला आणखी रंगत आणली ती सिद्धांत भोसले यांच्या मधुर आवाजाने, ज्यांनी आपल्या गायनाने उपस्थितांची मने जिंकली. या खास प्रसंगी वराची आई वंदना दातार यांनी तालावर नृत्य करत आपल्या आनंदाची आणि उत्साहाची सुंदर अभिव्यक्ती केली. हा क्षण सर्वांसाठी खास ठरला.
कार्यक्रमात प्रसिद्ध अभिनेत्री 'नटरंग' फेम सोनाली कुलकर्णी आणि मानसी नाईक यांच्या जोशपूर्ण नृत्य सादरीकरणांनी रंगत आणखी वाढवली, संपूर्ण कार्यक्रमाचे सूत्रसंचालन सिद्धार्थ चांदेकर यांनी केले, त्यांच्या उत्साही आणि आकर्षक उपस्थितीमुळे कार्यक्रम अधिक रंगतदार झाला. या सोहळ्याचे खास आकर्षण ठरले ते अनोखे रिंग सेरेमनी, जिथे साखरपुड्याच्या अंगठ्या ड्रोनद्वारे खाली आणण्यात आल्या, ज्यामुळे पारंपरिक विधींना आधुनिकतेचा एक सुंदर आणि अनोखा स्पर्श मिळाला आणि सर्व उपस्थित मंत्रमुग्ध झाले.
या प्रसंगी धनंजय दातार म्हणाले, "या शुभदिनी आम्ही या जोडप्याला आयुष्यभर एकत्र राहण्याच्या, आशीर्वादांच्या आणि आनंदाच्या असंख्य क्षणांच्या हार्दिक शुभेच्छा देतो." सानियाचे आई-वडील सीमा आणि कुमार नरवाडे यांनी कुटुंबीय आणि मित्रमंडळींचे मनापासून स्वागत केले आणि हा आनंदाचा क्षण उत्साहाने साजरा केला. रोहितचा मोठा भाऊ हृषीकेश दातार आणि त्यांची पत्नी आकांक्षा यांनीही उपस्थितांचे प्रेमपूर्वक स्वागत करत या सोहळ्यात उत्साहाने सहभाग घेतला, संध्याकाळी शेवटी पाहुण्यांनी स्वादिष्ट आणि खास खाद्यपदार्थाचा आस्वाद घेत, प्रेम, आनंद आणि एकत्रतेने भरलेला हा सोहळा अविस्मरणीय ठरवला.
