Navi Mumbai Sanpada hotel cylinder blast | सानपाड्यात हॉटेलमध्ये सिलेंडरचा स्फोट; दोन कामगार जखमी

नवी मुंबई : सानपाडा येथे एका हॉटेलमध्ये सिलेंडरचा स्फोट झाल्याची घटना घडली. या स्फोटात दोन कामगार जखमी झाले असून, त्यांना उपचारासाठी रुग्णालयात दाखल करण्यात आले आहे. स्फोटाची तीव्रता मोठी असल्याने परिसरातील आजूबाजूच्या घरांमधील तसेच कार्यालयांमधील काचा फुटल्या. स्फोटाचा आवाज तब्बल एक किलोमीटरपर्यंत ऐकू गेल्याची माहिती आहे.

घटनेची माहिती मिळताच अग्निशमन दलाचे जवान आणि पोलीस तातडीने घटनास्थळी दाखल झाले. अग्निशमन दलाकडून परिस्थिती नियंत्रणात आणण्याचे काम सुरू असून, स्फोट नेमका कशामुळे झाला याचा तपास पोलीस करत आहेत.