मुंबई: मुंबई उपनगरात बुधवारी सकाळी सात ते आठ वाजण्याच्या सुमारास जोरदार पाऊस झाला. मान्सूनपूर्व पावसाने सकाळी कामावर निघालेल्या मुंबईकरांना अक्षरश: झोडपून काढले. वर्सोवामध्ये सर्वाधिक ६९ मिमी पाऊस झाला.
मुंबई बुधवारी सकाळी अचानक जोरदार पाऊस सुरू झाला. पश्चिम उपनगरात पावसाचा जोर जास्त होता त्यामुळे अंधेरी सबवे येथे पाणी तुंबले. त्यामुळे सकाळी ७.४० वाजल्यानंतर येथील वाहतूक बंद करण्यात आली.
कूपर हॉस्पिटल, अंधेरी पूर्व, सांताक्रुझ आदी भागातही मोठा पाऊस झाला. त्यामुळे ठिकठिकाणी सकल भागात पाणी तुंबले होते. पण सकाळी कामावर निघण्याच्या वेळी जोरदार पाऊस आल्यामुळे मुंबईकरांनी भिजत भिजतच आपले कार्यालय गाठले.
शहर - ०.९६
पूर्व उपनगर - १.८५ मिमी
पश्चिम उपनगर - ९.८४ मिमी
सर्वाधिक पाऊस वर्सोवा -६९ मिमी,
कूपर हॉस्पिटल -५२ मिमी
अंधेरी पूर्व -४९ मिमी
अंधेरी पश्चिम -४६ मिमी
मालपा डोंगरी -३९ मिमी
विलेपार्ले -३३ मिमी
सांताक्रूझ -३० मिमी
चकाला - १७ मिमी
बीकेसी - १६ मिमी
काळा किल्ला - १० मिमी
चेंबूर -१२ मिमी
