मुंबई: मीरा रोडला दोन सुरक्षा रक्षकांवर धर्म विचारून चाकू हल्ला चढवणाऱ्या झैब झुबेर अन्सारीचे प्रकरण हे सेल्फ रेडिकलायझेशनचे असावे, असा अंदाज मुख्यमंत्री देवेंद्र फडणवीस यांनी व्यक्त केला.
केवळ काही तरी आपल्याला जिहाद करायचा आहे आणि जिहाद करायचा म्हणजे, इतर धर्मियांना मारायचे, अशा विचारातून त्यांने हे कृत्य केले आहे. त्याच्या लिंकमध्ये कोण कोण आहेत, हे आता तपासातून पुढे येईल, असे मुख्यमंत्र्यांनी सांगितले.
मुख्यमंत्री म्हणाले, मोठ्या प्रमाणात पुस्तकं, साहित्य, इंटरनेट या माध्यमातून रॅडिकलायझेशनचा (अतिरेकीपणा, कट्टरतावाद) जो प्रयत्न आहे, त्या प्रयत्नातून मीरा रोडचा आरोपी तयार झालेला दिसते. आपल्याला जिहाद करायचा आहे, इतर धर्मियांना मारायचे आहे, अशा विचाराने पेटून त्यांने हे कृत्य केले आहे. आता एटीएस आणि एनआयएची मदत घेऊन, या रॅडिकलायझेशनच्या पाठीमागे कोण कोण आहे, हेही शोधण्यात येईल.
आरोपीचे कुटुंब परदेशात अमेरिकेत आहे. तोही अनेक वर्षे परदेशात राहिला आहे. इथे आल्यानंतर, आधी तो कुर्ल्यात आणि नंतर नयानगरमध्ये रहायला आला. आता त्याच्या लिंकमध्ये कोण कोण आहेत? अजून कोणी असे रॅडिकलाईज झाले आहेत का, या सगळ्या गोष्टी तपासामध्ये पुढे येतील, असेही मुख्यमंत्री म्हणाले.
