Ambani Dog Death | अनंत अंबानींचा पाळीव कुत्रा ‘हॅप्पी’चे निधन, कुटुंबीयांनी वाहिली भावपूर्ण श्रद्धांजली
मुंबई : उद्योगपती मुकेश अंबानी आणि नीता अंबानी यांचा धाकटा मुलगा अनंत अंबानी यांचा लाडका पाळीव कुत्रा ‘हॅप्पी’ याचे 30 एप्रिल 2025 रोजी निधन झाले. अंबानी कुटुंबीयांनी एक भावनिक संदेश देत ‘हॅप्पी’ला श्रद्धांजली वाहिली.
अनंत अंबानी हे प्राणीमित्र म्हणून ओळखले जातात. त्यांनी गुजरातमधील जामनगर येथे ‘वन्तारा’ नावाचे प्राणी पुनर्वसन केंद्र स्थापन केले आहे. हॅप्पी हा त्यांच्या आयुष्यातील एक महत्त्वाचा भाग होता. अंबानी कुटुंबासाठी तो केवळ एक पाळीव प्राणी नसून कुटुंबाचा सदस्यच होता.
श्रद्धांजली:
अंबानी कुटुंबीयांनी सोशल मीडियावर एक पोस्ट शेअर करत लिहिले,
“प्रिय हॅप्पी, तू सदैव आमचा भाग राहशील आणि आमच्या हृदयात जिवंत राहशील. स्वर्गाला जे लाभले, ते आमचं नुकसान आहे.”
हॅप्पीच्या फोटोभोवती फुलांची सजावट करून अंतिम श्रद्धांजली अर्पण करण्यात आली.
हॅप्पी हा अनंत अंबानी आणि राधिका मर्चंट यांच्या लग्नातील अधिकृत फॅमिली फोटोमध्येही होता. तो अनेक वेळा अंबानी कुटुंबातील लहान मुलांसोबतही दिसत असे. हॅप्पीच्या जाण्याने संपूर्ण कुटुंबावर दुःखाचा डोंगर कोसळला आहे. अनंत अंबानी आणि राधिका मर्चंट यांचा विवाह 12 जुलै 2024 रोजी मुंबईत पार पडला होता, ज्यामध्ये जगभरातील अनेक दिग्गज उपस्थित होते.
