मुंबई : राज्यात यंदा थेट द्वितीय वर्ष अभियांत्रिकी (डीएसई) अभ्यासक्रमाच्या प्रवेशात मोठी वाढ झाली असून यावर्षी ५० हजार १५३ विद्यार्थ्यांनी प्रवेश घेतला आहे. तर ७हजार ४२१ विद्यार्थ्यांची वाढ झाली आहे.
राज्यात डीएसई अभ्यासक्रमासाठी यंदा ५३ हजार ३२८ जागा उपलब्ध होत्या. त्यापैकी ५० हजार १५३ जागांवर प्रवेश झाले असून ३ हजार १७५ जागा रिक्त राहिल्या आहेत.
दरम्यान, प्रवेशासाठी यंदा तब्बल ७० हजार ०३८ विद्यार्थ्यांनी नोंदणी केली होती. यंदाची प्रवेशसंख्या सर्वाधिक आहे. २०२३-२४ मध्ये ३४ हजार ५२३, २०२४-२५ मध्ये ४१ हजार २०२, २०२५-२६ मध्ये ४२ हजार ७३२, तर यंदा ५० हजार १५३ विद्यार्थ्यांनी प्रवेश घेतला आहे. त्यामुळे गेल्या चार वर्षांत थेट द्वितीय वर्ष अभियांत्रिकीच्या प्रवेशसंख्येत सातत्याने वाढ झाल्याचे दिसून येत आहे.
