नवी मुंबई : मुंबई एपीएमसीमध्ये कोकण हापूससह परराज्यातील हापूसच्या आवकमध्ये वाढ झाली असून गेल्या सात दिवसात 2 लाख 30 हजार पेट्या दाखल झाल्या. यामध्ये कोकण हापूसच्या 1 लाख 10 हजार 359 पेट्यांचा समावेश आहे. परराज्यातून 61 हजार 237 क्रेटची आवक झाली आहे. सोमवारी 30 मार्च रोजी 49 हजार 176 पेट्यांची झाली.
एपीएमसीत हापूसचे दर 2 ते 6 हजार रुपये डझन असल्याची माहिती घाऊक व्यापारी संजय पानसरे यांनी दिली. किरकोळ बाजारात हेच दर डझनला 1500 ते 2500 रुपये एवढे आहेत. मोठ्या आकारचा आंबा असल्यास त्याचे दर 2000 ते 3000 रुपये डझन आहेत.
एप्रिल महिन्यात आवक वाढल्यास कोकण हापूसचे पाच ते आठ डझन पेटीचे दर कमी होऊन 2000 ते 3500 रुपयापर्यंत येण्याची शक्यता पानसरे यांनी बोलून दाखवली.
