पुढारी ऑनलाईन डेस्क : माजी मंत्री बाबा सिद्दीकी यांच्या हत्येप्रकरणी आणखी एका आरोपीला अटक करण्यात गुन्हे शाखेला यश आले आहे. ही या प्रकरणातील १६ वी अटक आहे. या प्रकरणी आरोपी कुख्यात लॉरेन्स बिष्णोईचा भाऊ अनमोलच्या संपर्कात असल्याचे निष्पन्न झाले आहे.
बाबा सिद्दीकी हत्या प्रकरणात गुन्हे शाखेने गौरव विलास आपुणे याला अटक केली आहे. तो कर्वे नगर, पुणे येथील रहिवासी आहे. हल्ल्याच्या कटात त्याचा सहभाग असल्याचे तपासात उघड झाले आहे. फरार आरोपींनी त्याला शस्त्र चालवण्याचे प्रशिक्षणही दिले होते. यापूर्वी मुंबई पोलसांनी या प्रकरणात ३२ वर्षीय सुजीत सिंह याला अटक केली होती. त्याने परदेशातील गुंडाशी संपर्क साधला होता. सिंह याने विविध समाज माध्यमांतून अनेक खात्यांद्वारे त्याच्याशी संवाद साधला होता. तो परदेशातील गुंड अनमोल बिष्णोई असल्याचा संशय आहे.
