बुल्ली बाई अ‍ॅप्स : अभियांत्रिकी विद्यार्थी विशाल कुमारला १० जानेवारीपर्यंत पोलीस कोठडी
मुंबई : पुढारी ऑनलाईन
अल्पसंख्याक समाजातील महिलांची सोशल मीडियावर बदनामी करुन त्यांच्या लिलावाची माहिती अपलोड केल्याप्रकरणी अभियांत्रिकी विद्यार्थी विशाल कुमारला १० जानेवारीपर्यंत पोलीस कोठडी सुनावण्यात आली आहे.
मुंबई पोलिसांच्या सायबर सेल पोलिसांनी त्याला चौकशीसाठी ताब्यात घेतले होते. त्याला आज न्यायालयात हजर करण्यात आल्यानंतर १० जानेवारीपर्यंत पोलीस कोठडी सुनावण्यात आली आहे.
विशालला पुढील चौकशीसाठी मुंबईत आणण्यात आले आहे. त्याच्या अटकेने अनेक धक्कादायक खुलासे होण्याची शक्यता वर्तविण्यात येत आहे. गेल्या काही महिन्यांपासून सोशल मीडियावर बुल्ली बाई या नावाने वादग्रस्त अ‍ॅपद्वारे मुस्लिम समाजातील महिलांना अज्ञात व्यक्तीकडून टार्गेट केले जात होते.
दिल्लीनंतर मुंबईत शहरात वास्तव्यास असलेल्या दोन महिलांना अशाच प्रकारे टार्गेट करण्यात आले होते. याप्रकरणी दिल्लीनंतर मुंबई सायबर सेल पोलीस ठाण्यात संबंधित महिलांनी लेखी अर्जाद्वारे तक्रार केली होती.
- जुलै महिन्यांत शिवसेनेच्या राज्यसभेच्या खासदार प्रियांका चतुर्वेदी यांनी राज्यसभेत हा मुद्दा उपस्थित करुन माहिती आणि तंत्रज्ञान मंत्री आश्‍विनी वैष्णव यांच्याकडे पत्रव्यवहार केला होता. त्यानंतर ही साईट ब्लॉक करण्यात आली. मात्र त्यानंतर कोणावरही कारवाई झाली नाही.
- या अ‍ॅप्समध्ये काही अल्पसंख्याक समाजातील महिलांचे फोटो अपलोड करुन त्यांच्या विक्रीचे प्रकार घडत आहेत. या अ‍ॅप्सच्या भीतीपोटी काही महिलांनी सोशल मिडीयाला सोडचिठ्ठी दिली होती.
- संबंधत विशाल कुमारची कसून चौकशी केली जाणार आहे. त्याच्या चौकशीतून या साखळीतील इतर आरोपींची नावे समोर येण्याची शक्यता आहे.
हे ही वाचलं का?
