vijay wadettiwar : तर राज्यात लॉकडाऊन लागणार, विजय वडेट्टीवार यांचा इशारा

मुंबई ; पुढारी ऑनलाईन : देशासह राज्यात मागच्या काही दिवसांपासून कोरोनाच्या रुग्णामध्ये वाढ होताना दिसत आहे. राज्य सरकारने खबरदारी म्हणून रात्री ९ ते सकाळी ६ पर्यंत निर्बंध लावले आहेत. राज्याचे आरोग्य मंत्री राजेश टोपे यांनीही काही मार्गदर्शक सुचना केल्या आहेत. (vijay wadettiwar)

राज्याचे मदत व पुनर्वसन मंत्री विजय वडेट्टीवार यांनी राज्यातील कोरोना स्थितीबाबत चिंता व्यक्त केली आहे. राज्यात कोरोनाच्या रुग्ण संख्येत वाढ झाल्यास लॉकडाऊनशिवाय दुसरा पर्याय असणार नाही असे वक्तव्य केले आहे.

• Video: नोरा फतेहीला शाळेतील मुलगा देतोय टक्कर; दिलबर-दिलबर’ गाण्यावरील डान्स पाहून सगळेच हैराण

राज्यातील कोरोना स्थितीवर वेळीच नियंत्रण मिळवले नाही तर जानेवारी आणि एप्रिलमध्ये विस्फोटक परिस्थिती निर्माण होईल, असा इशारा ही मंत्री वडेट्टीवार यांनी दिला आहे.

राज्यातील लोकांनी सर्व नियम पायदळी तुडवले तर लॉकडाऊनशिवाय दुसरा पर्याय दिसत नाही, असेही ते म्हणाले. ते एका वृत्तवाहिनीशी बोलताना सांगितले.

vijay wadettiwar : वेळीच नियंत्रण मिळवले नाही तर

महाराष्ट्रात जानेवारी आणि एप्रिलमध्ये करोनाची विस्फोटक परिस्थिती निर्माण होईल. कोरोना वेगाने पसरतो आहे. त्यामुळे हे नियंत्रण लोकांच्या हातात आहे. आपण कसं राहायचं, काय नियम पाळावे, काय नियम पाळू नये हे लोकांनी ठरवायचे आहे. लोकांनी जर सर्व नियम पायदळी तुडवले तर लॉकडाऊनशिवाय दुसरा पर्याय दिसत नसल्याचे वडेट्टीवार म्हणाले.

• SIR ALEX : सर अॅलेक्स फर्ग्युसन वाढदिवस विशेष

असे आहेत नवे निर्बंध